اسلام آباد: مجلس وحدت مسلمین پاکستان کے سربراہ علامہ راجہ ناصر عباس جعفری پیر کی صبح شہداء کمیٹی شکار پور کے لانگ مارچ میں شرکت کے لئے لاہور سے کراچی روانہ ہوگئے کراچی ائرپورٹ پر مجلس وحدت مسلمین کراچی ڈویژن کے ذمہ داران نے بھر پور استقبال کیا روانگی سے قبل لاہور میں مجلس وحدت کے عہدیداران اور عمائدین کے اجلاس سے خطاب میں انہوں نے کہا کہ ملت جعفریہ اس ملک کی فطری دفاع ہے ہم نے ہمیشہ اتحاد امت اور ملکی سلامتی و استحکام کو مقدم سمجھاہے۔
لیکن بد قسمتی سے ریاستی اداروں اور نااہل متعصب حکمرانوں نے ہمیشہ ہمیں دیوار سے لگانے کی کوشش کی ہمارے محبوب قائد شہید عارف حسین الحسینی کو اتحاد امت اور وطن دوستی کے جرم میں شہیدکیا گیا پاکستان میں ملک دشمنوں کو پرموٹ کیا گیا تکفیریوں کی سرپرستی کی گئی جہاد کے نام پر دہشت گردوں کو پالا گیا آج اس غلطی کا خمیازہ پوری قوم بھگت رہی ہے۔
پاکستان میں امن اور استحکام کا واحد حل تکفیریت اوراس کے مائنڈ سیٹ کا خاتمہ ہے ،موجودہ حکمران ان تکفیری دہشت گردوں کے ہاتھوں یرغمالبنے ہوئے ہیں،جو طالبان القاعدہ اور داعش جیسے عالمی دہشت گردوں کے سہولت کار اور نرسریاں ہیں۔
انہوں نے کہا کہ شہداء کمیٹی کا لانگ مارچ اور احتجاج اس وقت تک جاری رہے گا جب تک سندھ بھر میں فوجی آپریشن کا اعلان نہیں ہوتا،سندھ میں ہماری نسل کشی کی جارہی ہے اور حکمران خاموش تماشائی بنے ملکی وسائل لوٹنے میں مصروف ہیں،علامہ راجہ ناصر عباس جعفری کا کہنا تھا کہ ہم دہشت گردی کیساتھ ساتھ ریاستی جبر کا بھی شکار ہے لیکن ہم حوصلہ ہارنے والوں میں سے نہیں ہم اس مادر وطن کے وفادار بیٹے ہیں ہم ان سازشوں کا ڈٹ کر مقابلہ کریں گے اور ملک دشمنوں کے ناپاک عزائم کو کبھی کامیاب نہیں ہونے دینگے،
گوادر بندرگاہ وسط اپریل میں آپریشنل ہونے کا امکان
کراچی بدامنی کی وجہ سیاسی چپقلش ہے ،روشن پاکستان پارٹی
