متحدہ قومی موومنٹ کے قائد الطاف حسین نے گزشتہ روز سے آج صبح تک لیاری کے علاقے میں لیاری گینگ کے دہشت گردوں کی جانب سے کچھی برادری کے بے خانماں برباد قافلوں کی انکے گھروں کی دوبارہ آباد کاری کے بعد ان کے گھروں، محلوں پر جدید ترین اسلحہ سے فائرنگ، راکٹ لانچروں سے حملوں اور بموں سے دھماکوں کی سخت ترین حملوں کی شدید الفاظ میں مذمت کی ہے۔
متحدہ قومی موومنٹ کے قائد الطاف حسین کا کہنا ہے کہ سندھ حکومت ناکام ہو چکی ہے وزیراعظم نواز شریف کراچی کو فوج کے حوالے کریں۔ الطاف حسین کی جانب سے لندن سے جاری ہونے والے بیان میں کہا گیا ہے کہ وزیراعظم نواز شریف کراچی کا انتظام فوج کے حوالے کریں، اب کراچی کے نہتے اورمظلوم عوام اور تاجر برادری صرف فوج کی طرف آخری امید کی نگاہ لگائے بیٹھے ہیں، الطاف حسین کا کہنا تھا کہ سندھ حکومت عوام کو کینگ وار سے نجات دلانے میں ناکام ہو چکی ہے۔
لیاری میں دہشتگردوں کے حملوں میں متعدد افراد جاں بحق ہو چکے ہیں۔ کچھی برادری پر حملے کر کے ان کی خوشیوں کو خاک میں ملا دیا گیا۔ الطاف حسین کا کہنا تھا کہ شورش زدہ علاقے سے قانون نافذ کرنے والے ادارے اس طرح غائب ہیں کہ جیسے پولیس اور قانون نافذ کرنے والے اداروں کا سرے سے کراچی میں کوئی وجود ہی نہیں ہے۔ الطاف حسین کا کہنا تھا وزیراعظم تاجربرادری کے کاروبار کو تحفظ فراہم کرنے کی غرض سے کراچی کے انتظام کو فوج کے حوالے کرنے کے احکامات جاری کریں۔
ایم کیو ایم کا سینیٹ اور قومی اسمبلی میں کراچی میں فوج بلانے کا مطالبہ
شہری کی ہلاکت پر رینجرز اہلکار پر فرد جرم عائد، ملزم کا صحت جرم سے انکار
