اسلام آباد (جیوڈیسک) وفاقی وزیر اطلاعات پرویز رشید نے کہا ہے کہ الطاف حسین کی گرفتاری پر اپوزیشن ذمہ داری کا مظاہرہ کرے اور کوئی ایسی بات نہ کی جائے جس سے کراچی کے حالات خراب ہوں۔
وزیراطلاعات پرویز رشید نے کہا کہ الطاف حسین کی گرفتاری سے متعلق حکومت کو پہلے سے کوئی علم نہیں تھا تاہم اس سلسلے میں وفاقی حکومت اپنا کردار ادا کرے گی جس کے لیے وزیراعظم نے برطانیہ میں پاکستانی ہائی کمشنر کو خصوصی ہدایت کی ہیں۔
انہوں نے کہا کہ الطاف حسین کی گرفتاری پر اپوزیشن جماعتیں ذمہ داری کا مظاہرہ کرتے ہوئے منفی بیان بازی سے گریز کریں اور ایسا کوئی بیان نہ دیا جائے جس سے کراچی کے حالات خراب ہوں۔
حکومت کے خلاف گرینڈ الائنس سے متعلق پرویز رشید کا کہنا تھا کہ عمران خان پارلیمنٹ اور نظام کو تسلیم کرتے ہیں جبکہ طاہر القادری نے پہلے سردی میں کارکنوں کو سڑکوں پر بٹھایا اور اب گرمی برداشت کرنے کا کہیں گے۔
باجوڑ اور فتح جنگ میں کارروائیاں بمباری کا ردعمل ہیں: طالبان
سینیٹ نے انسداد دہشت گردی ترمیمی بل 2014 کی منظوری دے دی
