ایم کیو ایم کی رابطہ کمیٹی کا اجلاس میں اپنی مدد آپ کے تحت شمسی توانائی اور متبادل توانائی کے منصوبوں پر کام کرنے کیلئے مختلف تجاویز کا جائزہ لیا گیا۔ ملک میں بڑھتے ہوئے توانائی بحران نے عوام کو توانائی کے متبادل ذرائع کے استعمال پر مجبور کردیا ہے۔
متحدہ قومی مومنٹ نے توانائی کے بڑھتے ہوئے بحران سے نمٹنے کے لیے اپنی مدد آپ کے تحت شمسی توانائی اور توانائی کے دیگر منصوبوں پز کام کرنے کے لیے مختلف تجاویز کا جائزہ لینے کے لیے اہم اجلاس منعقد کیا اجلاس میں طے کیا گیا کہ لوڈ شیڈنگ سے نجات اور شمسی توانائی سے بجلی فراہم کرنے کے عوامی منصوبے کا آغاز عزیز آباد سے کیا جائیگا۔
تفصیلات کے مطابق پہلے مرحلے میں قائد تحریک الطاف حسین کی رہائش گاہ اورایم کیو ایم کے مرکزی دفاتر کو شمسی توانائی پر منتقل کیا جائیگا اجلاس میں فیصلہ کیا گیا کہ ان منصوبوں کو عملی شکل دینے کے لیے شمسی توانائی اور متبادل توانائی سے بجلی پیدا کرنے والی مختلف کمپنیوں سے اوپن ٹینڈر طلب کئے جائینگے رابطہ کمیٹی کا کہنا ہے کہ ایم کیو ایم کے قائد الطاف حسین نے توانائی کے مسئلے کی صرف نشاندہی نہیں کی بلکہ مسئلے کا حل بھی پیش کیاہے۔
رابطہ کمیٹی کا لوڈشیڈنگ سے نمٹنے کیلیے شمسی توانائی منصوبوں پر غور
عمران خان نے دھاندلی کی بات کہہ کر عوام کی ترجمانی کی، یوسف گیلانی
