لندن (جیوڈیسک) معروف آن لائن ریٹیلر آمیزون کے بانی جیف بیزوز نے ایک بار پھر دنیا کے امیر ترین شخص بن گئے۔ بل گیٹس سے دنیا کے امیر ترین شخص کا اعزاز چھین لیا ہے۔ اس وقت جیف بیزوز کے اثاثے 90 ارب ڈالرز (94 کھرب پاکستانی روپوں سے زائد) سے زائد ہیں جبکہ مائیکرو سافٹ کے بانی بل گیٹس کے اثاثوں کی مالیت 88.5 ارب ڈالرز (90 کھرب پاکستانی روپے سے زائد) ہے۔
ویسے یہ پہلی بار نہیں کہ جیف بیزوز دنیا کے امیر ترین شخص کا اعزاز حاصل کرنے میں کامیاب ہوئے، رواں سال جولائی میں بھی وہ بل گیٹس کو پیچھے چھوڑنے میں کامیاب رہے تھے، مگر یہ اعزاز ایک دن بھی ان کے پاس نہیں رہ سکا۔ اب بھی اگر آمیزون کے حصص کی قیمت نیچے گرتی ہے تو بل گیٹس ایک بار پھر امیر ترین فرد بن جائیں گے تاہم رواں سال آمیزون کی مالی کارکردگی میں نمایاں بہتری کو دیکھتے ہوئے یہ ضرور کہا جاسکتا ہے کہ بہت جلد جیف بیزوز ہی اس اعزاز کے مستقل حقدار ہوں گے۔
جیف بیزوز گزشتہ تیس برسوں کے دوران دنیا کے امیر ترین شخص کا اعزاز پانے والے چھٹے فرد ہیں جبکہ وہ ارب پتی افراد کی فہرست میں بیس سال قبل شامل ہوئے تھے۔ دلچسپ بات یہ ہے کہ جیف بیزوز بنیادی طور پر متوسط طبقے سے تعلق رکھنے والے فرد ہیں جنھوں نے عملی زندگی کا آغاز بھی ایک معمولی ملازمت سے کیا تھا، مگر بہت جلد ترقی کی اور پھر اپنے آن لائن کاروبار کی بنیاد رکھی۔
1994 میں قائم کی جانے والی کمپنی آمیزون اس وقت امریکا سمیت متعدد ممالک میں آن لائن ریٹیل خریداری میں آگے ہے تاہم اسے اصل میں انٹرنیٹ بک اسٹور کے طور پر متعارف کرایا گیا تھا۔
ڈیزل ساڑھے تین، پٹرول ڈیڑھ روپے مہنگا ہونیکا امکان
زرمبادلہ کے ذخائر میں 15 کروڑ ڈالرز سے زائد کی کمی
