اسلام آباد (جیوڈیسک) امریکا نے افغانستان میں ایساف فورسز کی جانب سے استعمال کیا گیا جدید فوجی سازو سامان، ہتھیار اور گولہ بارود پاکستان کو دیا ہے۔
وزارت دفاع کے ذرائع نے نام ظاہر نہ کرنے کی شرط پر بتایا کہ قابل استعمال جنگی سامان کی ایک فہرست وزارت کو ملی تھی جس میں سے ضروری اشیا کا انتخاب کرکے پینٹاگان کو بتا دیا گیا تھا۔ ذرائع نے بتایا کہ ایساف فورسز کی جانب سے افغانستان سے انخلا کے اعلان کے بعد امریکا نے یہ فوجی سامان پاکستان اور افغانستان کو دینے کا فیصلہ کیا تھا۔ اس فہرست سے منتخب کیا گیا زیادہ ترسامان پاکستان کے حوالے کیا جاچکاہے۔
ذرائع نے بتایا کہ جدید ترین ہتھیاروں پر مشتمل سامان کا ایک بڑا حصہ اردن بھیجا جا رہا ہے۔ سفارتی ذرائع نے تصدیق کرتے ہوئے بتایا کہ یہ جدید فوجی سازوسامان عراق اور شام میں اسلامک اسٹیٹ نامی تنظیم کے ابھرنے کے بعد وہاں ممکنہ استعمال کے لیے بھیجا گیا۔
ایساف کی جانب سے چھوڑدیا گیا کچھ فوجی سامان افغانستان میں ہی تلف کیا جا رہا ہے۔ اگرچہ ایساف فورسز کی زیادہ ترتعداد دسمبر 2014 تک افغانستان چھوڑچکی ہے لیکن سیکیورٹی، تربیت اور افغان فورسزکی مددکے لیے اب بھی تقریباً 13 ہزار فوجی موجود ہیں۔
وزیراعظم کا ایف بی آر کو کالعدم تنظیموں کی فنڈنگ روکنے کا حکم
جرائم کی روک تھام، سعودی عرب سے جلد معاہدہ ہو گا، چوہدری نثار