واشنگٹن (جیوڈیسک) امریکی صدر براک اوباما کا کہنا ہے کہ امریکا میں نسل پرستی کی سوچ اب بھی باقی ہے جسے ہمیں شکست دینا ہوگی۔
امریکی نشریاتی ادارے کے مطابق اپنے ریڈیو انٹرویو کے دوران براک اوباما کا کہنا تھا کہ ان کی پیدائش ایک سفید فام ماں اورسیاہ فام والد کے گھرہوئی، ہمارے نسل کے بارے میں رویے بدل گئے ہیں۔
تاہم غلامی کے ورثے کا طویل سایہ اب بھی باقی ہے اور سیاہ فام لوگوں کو غلام بنانے کی خواہش اب بھی ہمارے خون میں موجود ہے۔کسی بھی معاشرے میں 2 سے 3 صدیوں قبل پیش آنے ہونے والے واقعات کوراتوں رات نہیں مٹایا جا سکتا لیکن امریکہ کوہرحال میں نسلی امتیازکو شکست دینا ہوگی۔
واضح رہے کہ امریکا میں سفید فام شہریوں کی جانب سے سیاہ فام لوگوں کو قتل کرنے کے واقعات تیزی سے سامنے آرہے ہیں، چند روز قبل بھی جنوبی کیرولائنا کے علاقے چارلسٹن میں ایک سفید فام شخص نے سیاہ فام لوگوں کے گرجا گھر پر فائرنگ کرکے 9 افراد کو ہلاک کردیا تھا۔
الطاف حسین نے کالا باغ ڈیم پر سندھ کے تحفظات دور کرنے کا مطالبہ کر دیا
میکسیکو کے اولڈ ہوم میں آتشزدگی سے 16 افراد ہلاک
