مسی سپی (جیوڈیسک) امریکا کی ریاست مسی سپی میں بگولوں نے تباہی مچادی، مختلف حادثات میں 4 افراد ہلاک 20 سے زائد زخمی ہو گئے۔
ریاستی حکام کے مطابق بگولوں نے مسی سپی کے جنوبی علاقے میں سب کچھ تہس نہس کر دیا مختلف حادثات میں 4 افراد ہلاک 20 سے زائد زخمی ہوگئے۔
طوفان کے باعث 40 سے زائد گھروں اور عمارتوں کو نقصان پہنچا ہے، درخت اور بجلی کی تاریں گرنے سے کئی علاقوں میں بجلی کی فراہمی منقطع ہو گئی، اور سڑکوں پر ٹریفک کی روانی متاثر ہوئی، مسی سپی، جارجیا اور لوزیانا میں 5 بگولے ریکارڈ کیے گئے۔
