نیویارک (جیوڈیسک) نارتھ امریکن باکس آفس پراس ہفتے بھی ننجاز کا راج برقرار ہے،جبکہ بھاری بھرکم اسٹار کاسٹ سے سجی فلم The Expendables 3 نوٹ کمانے میں پیچھے رہ گئی۔
مشہورزمانہ کارٹون کریکٹرز ننجا ٹرٹلز پرمبنی فلم ’ٹین ایج میوٹنٹ ننجا ٹرٹلز‘ دو کروڑ 84 لاکھ ڈالرکما کراس ہفتے بھی پہلے نمبر پررہی۔ فلم میں پیزا کے شوقین چاروں ننجا ٹرٹلز نیویارک میں برائی کے خاتمے میں مصروف ہیں اور انہیں ساتھ حاصل ہے۔
ایک نیوز رپورٹر کا جس کا کردار معروف ہالی وڈ اداکارہ میگن فاکس Megan Fox نبھا رہی ہیں۔ مارول کامکس کے سوپر ہیروز کی ٹیم سے سجی فلم The guardians of galaxy اس ہفتے 2 کروڑ 47 لاکھ ڈالر کا بزنس کر کے دوسرے نمبرپر برقرار ہے۔ فلم میں انسانوں اور ایلینز کی کہانی دکھائی گئی ہے۔
جس میں مشہور کامکس سوپر ہیروز کائنات کے دشمنوں کا مقابلہ کر رہے ہیں۔ تیسرا نمبر 1 کروڑ 77 لاکھ ڈالر بٹورنے والی ایکشن کامیڈی فلم “لیٹس بی کوپس” نے حاصل کیا۔ فلم کی کہانی دو نوجوان لڑکوں کی ہے۔
جو ایک پارٹی میں پولیس کی جعلی وردی پہن کر جاتے ہیں جہاں لوگ انہیں اصل پولیس اہلکار سمجھتے ہیں، جس کے بعد دونوں پولیس کی جعلی وردی میں ہی گھومنے لگتے ہیں لیکن جلد انہیں ایسا کرنا مہنگا پڑجاتا ہے۔اس ہفتے ریلیز ہونے والی فلم The Expendables تھری چوتھے نمبر پر رہی ۔
فلم میں ہالی وڈ کے مقبول ترین اسٹارز Sylvester Stalloneسیلوسٹر اسٹالون ،Arnold Schwarzenegger اور جیسن اسٹیتھم Jason Statham کے ہمراہ 13 معروف اداکاروں کی موجودگی کے باوجود فلم باکس آفس پر زیادہ کمال نہیں دکھا سکی۔ فلم نے صرف 1 کروڑ 62 لاکھ ڈالر کا بزنس کیا۔
میرے والد ڈیوڈ دھون میرے حقیقی ہیرو ہیں، ورون دھون
ہالی وڈ ایکشن فلم ’’اوپن ونڈوز‘‘ کا ٹریلر جاری کر دیا گیا
