امریکی سائنسدان ایسا مصنوعی خون بنانے میں کامیاب ہوگئے ہیں جو پاؤڈر کی شکل میں بھی محفوظ کیا جاسکے گا جبکہ یہ خون ایمرجنسی کی صورت میں انسانی جان بچانے کیلئے پھیپھڑوں سے خلیے کو آکسیجن مہیا کرنے میں مدد گار ثابت ہو گا۔
واشنگٹن یونیورسٹی سکول آف میڈیسن کے ڈاکٹرایلن کے مطابق ان کی ٹیم انسانی ہیموگلوبن پروٹین کے نچوڑ سے مصنوعی خون بنانے میں کامیاب ہوگئی ، یہ مصنوعی ریڈبلڈ سیلز ہیں جو پھیپھڑوں سے جسم بھر میں خلیوں کو آکسیجن فراہم کرسکیں گے۔
انکے مطابق مصنوعی سرخ خلیے پاؤڈر کی شکل میں ہیں وہ پپریکا پاؤڈر کی طرح دکھائی دیتا ہے اس کو آئی وی پلاسٹک تھیلوں میں محفوظ کیا جاسکتا ہے اور ضرورت کے وقت اس کو سٹرائل پانی میں حل کرکے جسم کو لگایا جاسکے گا۔
یہ مصنوعی بلڈ سیل اصلی ریڈبلڈ سیل کی جسامت سے پانچ گنا چھوٹے ہیں انہوں نے بتایا اس خون کے اب بندروں اور خرگوشوں پر لیبارٹری ٹیسٹ ہوں گے اس لئے اس کو انسانوں کے لئے استعمال میں لانے میں 10 سال سے زائد کا عرصہ لگ جائیگا۔
اینڈروئیڈ فونز کے لئے واٹس ایپ میں دو نئے فیچرز کا اضافہ
جنک فوڈ کا استعمال بچوں کی بڑھتی عمر کیلئے نقصان دہ
