واشنگٹن (جیوڈیسک) ایوان نمائندگان کے بعد امریکی سینیٹ نے بھی داعش کے خلاف اعتدال پسند شامی باغیوں کو مسلح کرنے اور تربیت دینے کا بل منظور کرلیا ہے۔
امریکی صدر باراک اوباما نے ایوان سے شامی باغیوں کو تربیت دینے اور مسلح کرنے کی اجازت طلب کی تھی جسے گزشتہ روز ایوان نمائندگان نے کثرت رائے سے منظور کرنے کے بعد حتمی منظوری کے لئے سینیٹ بھیج دیا تھا جس پر آج ووٹنگ ہوئی جہاں بل کے حق میں 78 اور مخالفت میں 22 ووٹ ڈالے گئے۔
دوسری جانب باراک اوباما نے بل کی منظوری کا خیر مقدم کرتے ہوئے کہا کہ بل کی منظوری سے ظاہر ہوتا ہے کہ داعش کے خلاف تمام امریکی متحد ہیں اور داعش کے خلاف فرانس بھی کارروائیوں میں حصہ لے گا۔
سکاٹ لینڈ : لائیو ریفرنڈم میں علیحدگی پسندوں کو شکست کا سامنا
اسکاٹ لینڈ کی عوام نے ریفرنڈم میں سلطنت برطانیہ سے علیحدگی کی مخالفت کر دی
