نیشولی (جیوڈیسک) امریکی ریاست ٹینیسی میں 2فوجی مراکز پر فائرنگ کے واقعات میں 4 فوجی ہلاک اور 2 زخمی ہوگئے ہیں، ساتھ ہی حملہ آور بھی مارا گیا ہے، اُس کی شناخت بھی ہوگئی ہے اور وہ مسلمان بتایا جاتا ہے۔
میڈیا رپورٹس اور حکام کے مطابق ریاست ٹینیسی کے علاقے چٹانوگا میں نیوی اینڈ میرین ریزرو سینٹر اور فوجی بھرتی کے مراکز پر فائرنگ کی گئی، حملے کے دوران 4 میرین ہلاک، جبکہ 1 میرین اور 1پولیس اہلکار زخمی ہوا، حملہ آور کو بھی ہلاک کردیا گیا ہے۔
میرین کور نے تصدیق کی ہے کہ چاروں فوجی نیوی اینڈ میرین کور ریزرو سینٹر پر ہلاک ہوئے۔ فائرنگ کا دوسرا واقعہ کئی میل دور فوجی بھرتی کے مرکز پر پیش آیا، اس میں بھی یہی حملہ آور ملوث تھا۔
ایک ایف بی آئی ایجنٹ نے بتایا کہ حملہ آور اسی علاقے کا رہنے والا تھا۔ مقامی میڈیا کے مطابق حملہ آور کا نام یوسف عبدالعزیز ہے، جو مشرق وسطی سے تعلق رکھنے والا امریکی شہری تھا۔ حکام کا کہنا ہے کہ واقعے کی ہر پہلو سے تفتیش کی جا رہی ہے۔
شمال مشرقی نائیجریا کی مارکیٹ میں 2 بم دھماکے، 49 افراد ہلاک
سعودی عرب سمیت فرانس میں عید الفطر نہایت عقیدت و احترام کے ساتھ منائی گئی
