واشنگٹن (جیوڈیسک) امریکی ریاست ٹیکساس کے ریسٹورنٹ میں 2 بائیکرز گینگ کے درمیان فائرنگ کے نتیجے میں کم ازکم 9 افراد ہلاک جب کہ متعدد زخمی ہوگئے۔
امریکی ریاست ٹیکساس میں 2 بائیکرز گینگ کے درمیان فائرنگ کے نتیجے میں 9 افراد ہلاک جب کہ متعدد زخمی ہوگئے، واقعہ کے بعد جائے وقوعہ پر پولیس کی بھاری نفری پہنچ گئی جس نے صورتحال کو قابو میں کیا جب کہ ایمبولینس کے زریعے زخمیوں کو اسپتال منتقل کیا گیا۔
پولیس کے مطابق دونوں گروہوں کے درمیان جھگڑا ریسٹورنٹ میں پارکنگ کی جگہ نہ ملنے کی وجہ سے پیش آیا جو کہ ہاتھا پائی سے شروع ہوکرفائرنگ تک پہنچ گیا تاہم پولیس واقعے کی مزید تحقیقات کررہی ہے۔
وزیر اعظم نے شاد باغ سانحے کی رپورٹ طلب کر لی
کراچی کی بدامنی میں “را” ملوث ہے، ایجنسیوں کو ثبوت مل گئے: قائم علی شاہ
