ممبئی (جیوڈیسک) بھارتی سپریم کورٹ نے انکم ٹیکس ڈپارٹمنٹ کو بالی ووڈ کے میگااسٹار امیتابھ بچن کے خلاف کیس دوبارہ کھولنے کا حکم جاری کر دیا۔
بالی ووڈ کے میگا اسٹار امیتابھ بچن پاناما لیکس کے معاملے پر مشکلات سے نکلے ہی نہیں تھے کہ ایک اور نئی مصیبت میں پھنس گئے ہیں۔
بھارتی سپریم کورٹ نے انکم ٹیکس ڈیپارٹمنٹ کو بالی ووڈ کے میگا اسٹار امیتابھ بچن کے خلاف کیس دوبارہ کھولنے کا حکم دیا ہے جس میں ان پر2001 میں مشہور رئیلٹی شو ’’کون بنے گا کروڑ پتی‘‘ کی کمائی پر ایک کروڑ 66 لاکھ سے زائد ٹیکس واجب الادا ہے۔
میڈیا رپورٹس کے مطابق گزشتہ سال فروری میں ممبئی ہائی کورٹ نے انکم ٹیکس ڈیپارٹمنٹ کی درخوست کو مسترد کرتے ہوئے امیتابھ بچن کو ٹیکس میں چھوٹ کی اجازت دی تھی جس کے خلاف سپریم کورٹ میں درخواست دائر کردی تھی۔
واضح رہے کہ بالی ووڈ اداکار امیتابھ بچن مشہور رئیلٹی شو’’کون بنے گا کروڑ پتی‘‘ کے میزبانی کے فرائض سرانجام دیئے تھے۔
ڈرامہ سیریل اڈاری میں کردار انتہائی مشکل ہے: احسن خان
لیجنڈ اداکار مصطفی قریشی کی 76 ویں سالگرہ
