سالانہ انٹررینج پنجاب پولیس چیمپئن شپ کا انعقاد، فیصل آباد رینج نے نمایاں دوسری پوزیشن حاصل کر لی

Posted on December 8, 2013 By Majid Khan سٹی نیوز

فیصل آباد : سالانہ انٹررینج پنجاب پولیس چیمپئن شپ کاانعقاد ہواجس میں راولپنڈی،لاہور،پی سی فاروق آباد،سرگودھا،ملتان،سیالکوٹ،بہاولپور،گوجرانوالہ اور فیصل آبادرینجرز کی ٹیموں نے شرکت کی جس میں فیصل آباد رینج نے نمایاں دوسری پوزیشن حاصل کی۔اس موقع پر سپورٹس آفیسر طاہرعباس شاہ اور ٹیم کوچ آفتاب شاہ نے چیف ٹریفک آفیسر/ایس پی ایڈمن عمران کشور کا ٹیم کی جانب سے شکریہ اداکرتے ہوئے کہا کہ افسران بالا کی مہربانی سے ہی یہ عظیم فتح ممکن ہوسکی۔سرزمین لائلپورپرچیمپئن شپ کی ٹرافی کا آنا ایک خوش آئندہ اقدام ہے جس پر پنجاب پولیس فیصل آباد رینج کو فخر ہے۔

اس موقع پر چیف ٹریفک آفیسر عمران کشور نے کہا کہ محکمہ پولیس میں کھیلوں کے انعقاد سے جہاں پولیس ملازمین کی جسمانی فٹنس بہتر ہوتی ہے وہاں ان کا مورال بلند اور حوصلہ افزائی بھی ہوتی ہے۔انہوں نے کہا کہ ایسے عوام دوست اقدامات کامقصدعوام میں پولیس کی جانب سے دوستانہ تعلقات کوفروغ دینا بھی ہوتا ہے۔اس موقع پرسی ٹی او/ایس پی ایڈمن عمران کشور نے کہاکہ اگرٹیم اسی طرح فتوحات حاصل کرتی رہی تو انہیں آئندہ بھی کھیلنے کے بھرپور مواقع فراہم کئے جائیں گے اس ٹیم میں ضلع پولیس کے جوانوں کے علاوہ ٹریفک وارڈنز میں محمد امین بھی شامل ہے۔

by Majid Khan

Nasir Mehmood - Chief Editor at GeoURDU.com