تعلیم کے جدید اور روشن رخ کو ترقی دیئے بغیر ہم اپنی قوم کی تقدیر نہیں بدل سکتے
گجرات(جی پی آئی)تعلیم کے جدید اور روشن رخ کو ترقی دیئے بغیر ہم اپنی قوم کی تقدیر نہیں بدل سکتے۔ سائنسی بنیادوں پر استوار جدید تعلیم وہ نسخہ کیمیا ہے جو ہمیں معاشرتی و معاشی سطح پر کامیابیوں سے ہمکنار کر سکتا ہے ۔ پاکستان اس وقت دنیا کا واحد ملک ہے جسکی آبادی کا ایک بڑا تناسب نوجوان لوگوں پر مشتمل ہے ۔ اس نوجوان طبقہ کو اعلیٰ تعلیم سے آراستہ کرنا اور ان کی تکنیکی و تخلیقی مہارتوں میں اضافہ کرنا ہماری سب سے بڑی ذمہ داری ہے ۔ بطور وائس چانسلر جامعہ گجرات میرا فرض اولیں ہے کہ میں اپنی قوم کے نوجوان معماروں کو تعلیمی میدان میں آسانیاں فراہم کروں اور انہیں اس قابل بنا دوں کہ وہ قوم کا درخشاں مستقبل بننے کے قابل ہو جائیں۔ ان خیالات کا اظہار وائس چانسلر جامعہ گجرات پروفیسر ڈاکٹر محمد فہیم ملک نے میڈیا اور پریس کے ایک نمائندہ وفد سے ملاقات کرتے ہوئے کیا ۔ ڈاکٹر محمد فہیم ملک نے حال ہی میں جامعہ گجرات کے وائس چانسلر کی حیثیت سے اپنی ذمہ داریاں سنبھالیں ہیں۔ ڈاکٹر فہیم ملک ایک ممتاز ماہر تعلیم، منتظم اور سائنسدان ہیں۔ ان کا شعبۂ اختصاص زوآلوجی کا میدان ہے۔ اس وقت تک قومی اور بین الاقوامی جریدوں میں ان کے ساٹھ سے زائد تحقیقی مضامین شائع ہو چکے ہیں۔ انہوں نے مختلف سائنسی موضوعات پر دو علمی کتابیں بھی تصنیف کی ہیں جو جرمنی میں شائع ہوئیں۔ انہوں نے علمی موضوعات پر اظہار خیال کرتے ہوئے کہا کہ جدید سائنسی علم اس وقت بہت بڑی حقیقت بن چکا ہے اور دنیا کی بیشتر قوموں نے علمی بنیادوں پر اپنی معاشی عمارتوں کو استوار کرتے ہوئے بے مثال کامیابیاں حاصل کی ہیں۔ انہوں نے کہا کہ علم خوشحالی، کامیابی اور اثر و نفوذ کی دہلیز ہے ۔ انہوں نے جامعہ گجرات کے سابق وائس چانسلر ڈاکٹر محمد نظام الدین کا ذکر کرتے ہوئے کہا کہ ڈاکٹر نظام نے بطور رئیس الجامعہ سنہری روایات کا احیاء کیا اور اب ان کی قائم کردہ علمی روایت کو بڑھا وا دینا ہم سب کی ذمہ داری ہے ۔ انہوں نے اس بات کا اعادہ کیا کہ وہ عوام کے وسیع تر مفاد میں جامعہ گجرات کو پروان چڑھائیں گے۔ انہوں نے کہا کہ جامعہ گجرات کا قیام گوجرانوالہ ڈویژن کے دور افتادہ عوام کے لیے ایک نعمت سے کم نہیں۔ جامعہ گجرات طلبہ کے لیے بالعموم اور طالبات کے لیے بالخصوص فائدہ مند ثابت ہوئی ہے ۔ جامعہ گجرات میں طلبہ کی نسبت طالبات کی تعداد زیادہ ہے اور یہ بات خوش آئند ہے کہ جامعہ گجرات طالبات کو زیور تعلیم سے آراستہ کر کے ایک اہم قومی فریضہ ادا کررہی ہے ۔ انہوں نے مزید کہا کہ جامعہ گجرات کو کئی قسم کے چیلنجز کا بھی سامنا ہے مگر یہ معاشرتی بہتری کے لیے تعلیمی افق کو وسیع کرنے کی جانب گامزن ہے ۔ ڈاکٹر فہیم ملک کا کہنا تھا کہ وہ ٹیم ورک میں یقین رکھتے ہیں ،کسی بھی ادارہ کے نظم و نسق کو اعلیٰ طریق سے چلانے کے لیے ملازمین ہمیشہ اہم کردار ادا کرتے ہیں۔ انہوں نے امید ظاہر کی کہ جامعہ گجرات کے تمام ملازمین بشمول اعلیٰ قیادت جامعہ گجرات کو ایک بہترین ادارہ بنانے میں کوئی دقیقہ فروگذاشت نہیں رکھے گی۔ انہوں نے سول سوسائٹی کا بھی شکریہ ادا کیا جو ہمیشہ جامعہ گجرات کی بہتری کے لیے کوشاں رہی۔ انہوں نے مزید کہا کہ تعلیم کی کوالٹی میں بہتری پیدا کرنا میرا مقصد اولین ہے اور ہم جامعہ گجرات میں پی ایچ ڈی سطح پر مزید کورسز شروع کر نے جا رہے ہیں۔ ان کا کہنا تھا کہ قوم کو در پیش مسائل گھمبیر ہیں اور امیدیں موہوم۔ مگر قوم و ملک کا نوجوان طبقہ ہماری سب سے بڑی امید او رمضبوط سہارا ہے ۔ مجھے یقین ہے کہ نوجوان طلباء و طالبات کے مصمم ارادے ہماری سماجی، معاشرتی اور معاشی ترقی میں اہم کردار ادا کریں گے ۔ ْمیرٹ اور صرف میرٹ میری پہلی ترجیح ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ رائس ملز ایسوسی ایشن ضلع گجرات کا ہنگامی جنرل اجلاس آج 25اکتوبر 2014ء بروز ہفتہ دن گیارہ
گجرات ( جی پی آئی ) رائس ملز ایسوسی ایشن ضلع گجرات کا ہنگامی جنرل اجلاس آج 25اکتوبر 2014ء بروز ہفتہ دن گیارہ بجے طاہر میرج ہال منگووال میں ہوگا ‘ اجلاس کی صدارت مہر محمد حبیب بسوی ضلعی رائس ملز ایسوس ایشن کرینگے ‘ تمام اراکین رائس ملز شرکت کریں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عالمی مبلغ اسلام مفتی محمد عنصر القادری پاکستان وطن واپس پہنچ گئے
گجرات ( جی پی آئی ) عالمی مبلغ اسلام مفتی محمد عنصر القادری پاکستان وطن واپس پہنچ گئے ۔ وہ قیام کے دوران مختلف تقریبات سے خطاب کرینگے ‘ لاہور ایئر پورٹ پر محمد عمران شاہد القادری و دیگر نے اُن کا استقبال کیا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سالانہ عرس مبارک پیر سید ولایت حسین شاہ المعروف شہنشاہ ولایت 31اکتوبر بروز جمعتہ المبارک منعقد ہوگا
گجرات ( جی پی آئی ) سالانہ عرس مبارک پیر سید ولایت حسین شاہ المعروف شہنشاہ ولایت 31اکتوبر بروز جمعتہ المبارک منعقد ہوگا ‘ پہلی نشست ختم پاک نماز فجر کے بعد منعقد ہوگی ‘ جبکہ دوسری نشست دن دس بجے تک نماز جمعہ جس کی صدارت صاحبزادہ پیر سید منور حسین شاہ جماعتی کرینگے ‘ جبکہ خصوصی دعا پیر سید حامد علی شاہ ‘ پیر سید احمد شاہ گجراتی ‘ پیر سید محمود شاہ گجراتی ‘ پیر سید عبدالحمید شاہ جماعتی ہوگی ‘ اس محفل میں ملک بھر سے علماء کارم مشائخ عظآئم شرکت کینگے ‘ یہ عرس مبارک کی تقریبات زیر نگرانی پیر سید رضی العباس شاہ منعقد ہو رہی ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سالانہ عرس حضرت شیخ عبدالقادر جیلانی المعروف غوث الاعظم رحمتہ اللہ تعالیٰ 26اکتوبر صبح فجر تا نماز مغرب دربار
گجرات ( جی پی آئی ) سالانہ عرس حضرت شیخ عبدالقادر جیلانی المعروف غوث الاعظم رحمتہ اللہ تعالیٰ 26اکتوبر صبح فجر تا نماز مغرب دربار نوشاہی نوشہ پور شریف نزد کشمیر کالونی جہلم میں منعقد ہو رہی ہیں ‘ جن کی صدارت عالمی مبلغ اسلام حضرت پیر سید معروف حسین عارف قادری نوشاہی کرینگے ‘ دنیا بھر سے علماء کرام کی کثیر تعداد شریک ہو گی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اللہ عزوجل کو مخلوق میں سب سے زیادہ اپنے محبوب ۖ سے محبت ہے،علامہ محمد الیاس قادری گجرات(جی پی آئی)امیر اہلسنت علامہ محمد الیاس عطار قادری نے کہا ہے کہ سب سے یکساں محبت فطری عمل کے خلاف ہے کسی سے زیادہ تو کسی سے کم محبت ہوتی ہے ،ہمارے پیارے آقا ۖ کو سب سے زیادہ حضرت سیدنا صدیق اکبر رضی اللہ تعالیٰ عنہ سے محبت تھی اور یہ بات بچہ بچہ جانتا ہے کہ اللہ عزوجل مخلوق میں سب سے زیادہ محبت اپنے پیارے محبوب ۖ سے ہے ۔ ان خیالات کا اظہار انہوں نے دعوت اسلامی کے عالمی مدنی مرکز فیضان مدینہ میں مدنی مذاکرے کے دوران مختلف سوالات کے جوابات دیتے ہوئے کیا ۔انہوں نے کہاکہ ماں باپ بھی ہر بیٹے یا بیٹی کو یکساں نہیں چاہتے ،جو بچہ اپنے ماں باپ کا فرمانبردار ہوتا ہے ،ان کا ہاتھ بٹاتا،ان کا احترام کرتا ا ور ان سے بدتمیزی نہیں کرتا وہ ماں باپ کو دیگر بچوں میں زیادہ پیارا ہوتا ہے اور جو آوارہ گردی کرتے ،ماں باپ کو جھاڑ دیتے ہیں وہ فطری طور پر ماں باپ کو اچھے نہیں لگتے ہیں ۔ماں باپ جس بچے سے زیادہ محبت کرتے ہوں اس محبت کو دوسرے بچوں پر ہرگز ظاہر نہ کریں کیوں کہ اگر انہیں معلوم ہوا کہ ان کے والدین فلاں سے زیادہ پیار کرتے ہیں تو وہ احساس محرومی کا شکار ہوں گے اور والدین سے نفرت کرنے لگیں گے ۔اسی طرح جس مرید میں جتنی دینی خوبیاں زیادہ ہوں گی اس کا پیراس سے اتنی ہی زیادہ محبت کرے گا۔امیر اہلسنت نے شرکاء مدنی مذاکرہ کو سنتوں کی تربیت کیلئے مدنی قافلوں میں سفر کرنے کی ترغیب دلائی ،جس پر حاضرین اور بذریعہ انٹرنیٹ مدنی مذاکرہ دیکھنے والوں نے مدنی قافلوں میں سفر کی نیت کی ۔نیز مدنی مذاکرے کے دوران امیر اہلسنت نے شرکاء کو سلسلہ عالیہ قادریہ عطاریہ میں بیعت بھی کیا۔اس موقع پر اراکین شوریٰ بھی موجود تھے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شہادت فاروق و حسین سے اسلام کو سر بلندی میسر آئی
گجرات(جی پی آئی)شہادت فاروق و حسین سے اسلام کو سر بلندی میسر آئی ۔خلیفۂ دوئم سیدنا عمر فاروق اعظم رضی اللہ عنہ چراغ امت اور مصلحِ دین تھے ۔22قرآنی آیات کا نزول آپ کی مرضی پر ہونا اس بات پر دلالت کرتا ہے کہ مزاجِ عمر رضی اللہ عنہ مزاجِ خدا کے کتنا قریب تر تھا ۔ گستاخِ رسول ۖ کو قتل کر کے حضرت عمر رضی اللہ عنہ نے ثابت کر دیا کہ عشقِ رسول ۖ و ناموسِ رسالت پر سودے بازی اور مصلحت پسندی نہیں ہو سکتی ۔ جبکہ نواسۂ رسول سیدنا امام حسین رضی اللہ عنہ نے اپنے جذبہ سے یزیدی فکر کو کربلا کی ریت تلے ہمیشہ کے لئے دفن کر دیا ۔امام حسین رضی اللہ عنہ کا دوسرا نام دین ہے ۔شاہ کربلا نے دشمنِ اسلام پر یزید پلید کو بتا دیا کہ یہ سرکٹ تو سکتا ہے مگر کسی فاسق کے سامنے جھک نہیں سکتا ۔ آج پھر فکر حسینی علیہ السلام اور فکر یزیدی کی جنگ ہے ۔دہشت گرد یزیدی ہیں جبکہ اپنے خون سے ملک و ملت کا دفاع کرنے والے حسینی علیہ السلام ہیں۔ ہم فکرِ فاروق و حسین رضی اللہ عنہما کو عام کر کے یزیدی سوچوں پر ضربیں لگاتے رہیں گے ۔ ان خیالات کا اظہار سجادہ نشین و جانشین دربار عالیہ حضرت امیر ملت علی پور سیداں شریف پیر سید منور حسین شاہ جماعتی نے جامع مسجد بابا فیروز محلہ رحمان پورہ گجرات میں جمعة المبارک کے اجتماع سے خطاب کرتے ہوئے کیا ۔انہوں نے کہاحضرت پیر سید جماعت علی شاہ محدث علی پور ی رحمة اللہ علیہ نے ساری زندگی صحابہ کرام و اہل بیت اطہار سے محبت کا درس دیا ۔ دہشت گردی ہر صورت میں قابلِ مذمت ہے ۔سیدنا فاروق اعظم رضی اللہ عنہ و شہید اعظم علیہ السلام نے ہمیں قوم کا اصلا ح اور فلاح کا درس دیا ۔سوادِ اعظم اہلسنت پاکستان بنانے والے اور بچانے والے ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اہل گجرات نے بھی تحریک انصاف کو مسترد کر دیا’ شام کے ورائٹی شو جلد انجام کو پہنچیں گے
گجرات(جی پی آئی) سید زعیم حسین قادری نے کہا ہے کہ دیگر شہروں کی طرح اہل گجرات نے بھی تحریک انصاف کی کال کو مسترد کر کے ثابت کر دیا ہے کہ یہ شہر بھی مسلم لیگ (ن) کا گڑھ ہے۔ انہوں نے کہا کہ یہاں کے شہریوں نے جلسے میں شرکت نہ کر کے اپنا فیصلہ دے دیا ہے کہ اب شام کے ورائٹی شو جلد اپنے انجام کو پہنچیں گے۔ انہوں نے کہا کہ قوم دھرنے نہیں مسائل کا حل چاہتی ہے جبکہ عمران اپنے آپ کو زندہ رکھنے کے لئے عوام کا وقت ضائع کر رہے ہیں۔ سید زعیم حسین قادری نے کہا کہ ایک صوبے کی حالت نہ بدلنے والے کیا نیا پاکستان بنائیں گے؟ عمران خان کم از کم خیبرپختونخوا میں تو گورننس کی کوئی مثال قائم کر کے دکھائیں۔ سید زعیم حسین قادری نے کہا کہ عو ام نے دھرنوں میں پی ٹی آئی کے نئے پاکستان کی شکل دیکھ لی ہے اور عمران خان کو چاہیے کہ وہ جھوٹے الزامات لگانے کی بجائے ثبوت سامنے لائیں۔ ان کا تکیہ کلام ”سنیں” اور رٹے رٹائے الزامات کے علاوہ کچھ نہیں۔ انہوں نے کہا کہ عمران خان عوام کو بتائیں کہ ہر روز بیانات بدلنے کے پیچھے کیا حقیقت کارفرما ہے؟ سید زعیم حسین قادری نے کہا کہ شیخ رشید عمران خان کی کشتی کو بھی لے کر ڈوبیں گے۔ انہوں نے کہا کہ شیخ رشید کو بتانا چاہیے کہ وہ اور کتنی بار ”عبداللہ دیوانے ” کا کردار ادا کریں گے؟ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کے سربراہ عمران خاں نے گجرات کے جلسہ میں کہاکہ محرم کے بعد 30نومبر کو اسلام آباد میں ملک بھر سے لوگوں کا سمندر اکٹھا ہوگ
گجرات(جی پی آئی)پاکستان تحریک انصاف کے سربراہ عمران خاں نے گجرات کے جلسہ میں کہاکہ محرم کے بعد 30نومبر کو اسلام آباد میں ملک بھر سے لوگوں کا سمندر اکٹھا ہوگا اور میاں نواز شریف کے خلاف فیصلہ کن ہوگا محرم کے بعد پنجاب بھر کا دورہ کروں گا اور ہر ہفتہ میں دو جلسے کروں گا ساری عوام گونواز گو کے لیے تیار ہوجائیں نیا پاکستان بنانے میں کوئی سیاست یا سیاست دان ہم کو نہیں روک سکتا انہوں نے گجرات کے عوام کو مخاطب کرکے کہاکہ آپ کو دیکھ کر مجھے ایک نیا پاکستان نظر آرہا ہے مجھے آپکا جنون اور آپ کا جذبہ یہاں لیکر آیا ہے ماشاء اللہ گجرات کا کیا جنون ہے مجھے معلوم ہوگیا ہے ہم نے کسی کو پیسے یا ٹرانسپورٹ دیکر نہیں بلایا انہوں نے کہاکہ مولانافضل الرحمان کے بیان پر ہمیں بہت افسوس ہوا ہے انہوں نے ہمارے دھرنوں میں شرکت کرنے والے ہماری بیٹیوں اور بہنوں کے بارے میں نازیبا الفاظ بولے ہیں انہوں نے کہاکہ طاہر القادری نے ہمارے ساتھ 60دن گزارے ہیں ہم انکے شکر گزار ہیں انہوں نے عوامی تحریک کے کارکنوں کی تعریف کرتے ہوئے کہاکہ جس طرح انہوں نے گلو بٹوں کا مقابلہ کیا انکو خراج تحسین پیش کرتا ہوں عمران خاں نے کہاکہ مجھے پتہ تھا کہ پاکستانی قوم فیصلہ کرچکی ہے کہ ہم نے ظالم کا مقابلہ کرنا ہے مجھے پتہ تھا کہ لوگ خود گھروں سے نکلے گئے اگر پاکستانی قوم پاکستان تحریک انصاف کو پیسہ دے گی تو پاکستان تحریک انصاف بھی پاکستانیوں کے لیے کام کریگی میں نے سرمایہ داروں سے پیسہ نہیں لینا عوام اور بیرون ممالک میں پاکستانیوں سے لینا ہے پیسہ آتا رہے گا تو تحریک بھی جاری رہے گی اگر پیسہ نہ بھی ہوگا تو میں تنبو لگاکر بھی دھرنا دوں گا محرم کے بعد دھرنا بھی جاری رہے گا اگر سارے لوگ مجھے چھوڑا بھی جائیں تو اکیلا ہی نواز شریف کے استعفیٰ تک وہاں بیٹھا رہوں گا انہوں نے کہاکہ 30نومبر کو سب لوگ اسلام آباد پہنچے انشاء اللہ عوام کا سمندر اسلام آباد میں اکٹھا ہوگا میاں صاحب جتنی مرضی پولیس لے آئو یہ سمندر نہیں رکے گا عمران خاں نے نواز شریف کو مخاطب کرکے کہاکہ میاں صاحب30نومبرسے پہلے استعفیٰ دے دو عزت بچ جائے گی ہم نے چار حلقے کھولنے اور دوبارہ گنتی کا مطالبہ کیا اگر گنتی درست نکلی تو الیکشن دوبارہ کرنا پڑے گا ڈیڑھ سال ہوگیا انصاف نہیں مل رہا ہے لاکھوں روپے خرچ کیے مگر کوئی فائد ہ نہیں ہوا سپیکر قومی اسمبلی ایاز صادق سٹے آرڈر کے پیچھے چھپا ہوا ہے پی پی 147تحریک انصاف کے امیدوار شعیب صدیقی کے ووٹوں کی دوبارہ گنتی ہوئی تو 6پولنگ اسٹیشنوں پر 4726ووٹ ڈالے گے جن میں سے 3240ووٹ جعلی نکلے۔15پولنگ اسٹیشنوں کے کائونٹر فائل ہی نہیں تھے اور شرمناک بات یہ ہے کہ میرے قومی اسمبلی کے حلقہ کے ووٹ صوبائی اسمبلی کے حلقہ میں ڈال دئیے گئے عمران خاں نے کہاکہ یہ فیصلہ کن جنگ ہے کہ کیا یہ پاکستان نواز شریف اور زرداری کا رہے گا یا نیا پاکستان بنے گا کیا ہم آزاد پاکستان بنائیں گے یا انکی طرح غلامی کرتے رہیں گے عمران خاں نے کہاکہ مودی دھمکیاں دے رہا ہے میاں صاحب خاموش بیٹھے ہیں غربت ختم کرنی ہے یا مودی صاحب اپنے انتہاء پسندوں کو خوش کرنے کے لیے بڑھکیں مارنی ہے مودی صاحب برصغیر میں ہر تین میں سے دو لوگ غریب ہیں آپ کے لیے کشمیر کا مسئلہ حل کرنے کے لیے سنہری موقع ہے کشمیریوں کو انکے حقوق دینے ہوں گے کشمیر کا مسئلہ حل ہوگیا تو ہم ملکر غربت ختم کرسکتے ہیں کشمیر میں 7لاکھ فوج کیوں بیٹھائی ہے مودی صاحب کشمیر کا مسئلہ حل کریں کشمیریوں کو انکے حقوق دینا ہوں گے انہوں نے کہاکہ نواز شریف اور انکے خاندان نے350کروڑ روپے بینکوں کا قرضہ دینا ہے میاں صاحب پر ٹیکس چوری کرپشن اثاثے ڈکلیئر نہ کرنے کے الزامات ہیں مگرپھر بھی وہ الیکشن لڑسکتے ہیں پاکستان میں انصاف کا نظام قائم کرنا ہوگا تاکہ قانون ہر ایک کے لیے برابر ہو میاں صاحب پہلی وزیر اعظم بنے ہر پاکستان پر 35ہزارروپے کا قرضہ تھا اب 90ہزارروپے فی پاکستانی پر قرضہ ہے نواز شریف اور خورشید شاہ کی نیب نہیںچائیے کے پی کے میں آزاد نیب بنائی ہے اور پاکستان میں بھی آزاد نیب بنائیں گے جوکہ وزیر اعظم کو بھی پکڑ سکے انہوں نے کہاکہ میاں صاحب آپ کون ہوتے ہیںہمارے استعفےٰ روکنے والے ہم جعلی اسمبلی کو تسلیم نہیں کرتے آپ بھی جعلی وزیر اعظم ہیں ہمار ا جو ممبر پارلیمنٹ استعفیٰ نہیں دے گا اسکی رکنیت منسوخ کردیں گے انہوں نے کہاکہ پاکستان میں ہر روز100بچہ گندہ پانی پینے کی وجہ سے پیدا ہونے والی بیماریوں سے ہلا ک ہوجاتا ہے جبکہ ہر روز ایک عورت دوران زچگی مرجاتی ہے انہوں نے کہاکہ وزیر اعظم ہائوس کا ایک روز کا خرچہ50لاکھ روپے ہے ایوان صدر کا روزانہ کا خرچہ 21لاکھ ہے ہم اس طرح کی فضول خرچیوں کو بند کریں یہ پیسہ عوام پر خرچ کریں ہم جھوٹی جمہوریت کے خلاف اٹھ کھڑے ہوئے ہیں ہم اصلی جمہوریت کو بحال کریں گے ہم نے قومی اداروں کو ٹھیک کرنا ہے جنکو زرداریوں اور شریفوں نے تباہ کردیا ہے ہم نے پولیس اور بیورو کریسی کو ٹھیک کرنا ہے اور پولیس میں گلو بٹوں کا خاتمہ کرنا ہے ہم تمام صوبوں کے گورنر ہائوس گرا کر فلاحی تعلیمی ادارے اور پارک بنائیں گے انہوں نے کہاکہ نواز شریف اور زرداری کا خاندان امیر اور باقی سار ملک غریب ہے آخر میں انہوں نے احتجاجی تحریک کے لیے جھنڈے کی اپیل کی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات میں عمران خاں کے جلسہ کے موقعہ پر گجرات پولیس و انتظامیہ نے سیکورٹی کے سخت ترین حفاظتی انتظامات
گجرات(جی پی آئی)گجرات میں عمران خاں کے جلسہ کے موقعہ پر گجرات پولیس و انتظامیہ نے سیکورٹی کے سخت ترین حفاظتی انتظامات کیے گئے تھے ڈی سی او لیاقت علی چٹھہ ، ڈی پی او رائے اعجا زاحمد، ایس پی انوسٹی گیشن میاں محمد ریاض خود سیکورٹی انتظامات کی نگرانی کرتے رہے من پسند گاڑیوں والے افراد کو جلسہ گاہ کی طرف جانے دیا گیا جبکہ عام لوگوں کی گاڑیوں کو دور ہی رکھا گیا ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عمران خاں کے جلسہ میں دھکم پیل سے عمران خاں کی تقریر سے قبل ایک شخص بے ہوش ہوگیا
گجرات(جی پی آئی)عمران خاں کے جلسہ میں دھکم پیل سے عمران خاں کی تقریر سے قبل ایک شخص بے ہوش ہوگیا جسکو 1122 کے عملہ نے طبی امداد دی اور عزیز بھٹی شہید ہسپتال میں شفٹ کردیا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ظہور الہٰی سٹیڈیم میں عمران خاں کے جلسہ میں کپتان عمران خاں کے ہمراہ شیخ عبد الرشید پنجاب اسمبلی
گجرات(جی پی آئی)ظہور الہٰی سٹیڈیم میں عمران خاں کے جلسہ میں کپتان عمران خاں کے ہمراہ شیخ عبد الرشید پنجاب اسمبلی میں اپوزیشن لیڈر محمود الرشید ، ضلعی صدر پی ٹی آئی چوہدری الیاس، ٹکٹ ہولڈر الحاج افضل گوندل، صوبائی اسمبلی کے امیدوار چوہدری سلیم سرور جوڑا سمیت دیگر اہم پی ٹی آئی کے راہنماء موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عوامی مسلم لیگ کے سربراہ شیخ رشید احمد نے عمران خاں کے جلسہ گجرات ظہور الہٰی سٹیڈیم میں خطاب
گجرات(جی پی آئی)عوامی مسلم لیگ کے سربراہ شیخ رشید احمد نے عمران خاں کے جلسہ گجرات ظہور الہٰی سٹیڈیم میں خطاب کرتے ہوئے کہاکہ قوم عمران خاں کے ساتھ قوم جاگ پڑی ہے محرم کے بعد عمران خاں ملک کا پہیہ جام کردیں گے شیخ رشید کہاکہ نے بھارت نے ہماری سرحدوں پر حملے شروع کیے ہوئے ہیں ہم پاکستان کا دفاع کرنا جانتے انہوں نے کہاکہ انڈیا والو اگر کسی نے بھی پاکستان کی طرف میلی آنکھ سے دیکھا تو ہم اسے نشان عبرت بنا دیں گے ہم بھارت کے ساتھ برابری کے تعلقات چاہتے ہیں شیخ رشید نے مولانا فضل الرحمان کے بیان پر ردعمل دیتے ہوئے کہاکہ انہوں نے ہمارا دل دکھایا ہے ہماری بیٹیوں اور بہنوں کے خلاف غلیظ زبا ن استعمال کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات میں عمرا ن خاں کے جلسہ کے موقعہ پرگجرات پولیس نے سیکورٹی کے نام پر ظہو رالہٰی سٹیڈیم
گجرات(جی پی آئی)گجرات میں عمرا ن خاں کے جلسہ کے موقعہ پرگجرات پولیس نے سیکورٹی کے نام پر ظہو رالہٰی سٹیڈیم کو جانے والے تمام راستوں پر بیرئیر لگاکر روڈ بلاک کردی ہیں عام لوگوں اور ٹرانسپورٹ کے داخلے پر بھی پابندی لگا دی گجرات کو اندورن شہر سے مکمل طور پر سیل کردیا گیا تاکہ لوگ جلسہ گاہ میں نہ پہنچ سکے گجرات کے عام شہریوں کو آمدورفت کے لیے شدید مشکلات کا سامنا رہا صبح سویرے سے ہی گجرات پولیس کے اہلکاروں نے شہر کے داخلی راستوں پر ناکہ بندی کردی ہسپتال میں جانے والے مریضوں کے لیے بھی مشکلات کا سامنا رہا اور جن لوگوں نے اپنے گھروں کو بھی جانا تھا انکو بھی موٹرسائیکل گاڑیوں پر نہ جانے دیا گیا اور رحمان شہیدروڈ جیل چوک کچہری چوک، جلالپورجٹاں روڈ ، بھمبرروڈ کی ملحقہ سڑکوں اور گلیوں کو بھی عام ٹریفک کے لیے بند کردیا گیا گجرات کے سیاسی سماجی وکاروباری حلقوں نے پولیس کی اس نازیبہ حرکت کی مذمت کرتے ہوئے کہاکہ گجرات پولیس گجرات کو سیل کرکے اور لوگوں کو انکے گھروں میں بند کرکے کس کو خوش کررہی ہے کیا گجرات میں گلو بٹ سے کو ئی خطرہ ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ علاقہ مجسٹریٹ تھانہ سول لائن نے احاطہ کچہری میں گھوم پھر کر اشٹام فروخت کرنے والے جعلی اشٹام فروش
گجرات(جی پی آئی)علاقہ مجسٹریٹ تھانہ سول لائن نے احاطہ کچہری میں گھوم پھر کر اشٹام فروخت کرنے والے جعلی اشٹام فروش مکرم شہباز سکنہ جلالپورجٹاں کی درخواست ضمانت منسوخ کردی ہے ملزم کے خلاف سول لائن میں احاطہ کچہری میں گھوم پھر کر اشٹام پیپرز فروخت کرتا تھا اور اسکے پاس نوٹری پبلک اور اوتھ کمشنر کی مہریں بھی برآمد کی گئی تھیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مقامی سیشن کورٹ نے نواز گھمن سکنہ ڈھکی دروازہ کی درخواست ضمانت قبل از گرفتاری مقدمہ قتل
گجرات(جی پی آئی)مقامی سیشن کورٹ نے نواز گھمن سکنہ ڈھکی دروازہ کی درخواست ضمانت قبل از گرفتاری مقدمہ قتل میں منسوخ کرکے تھانہ اے ڈویژن پولیس کے حوالہ کردیا ہے جبکہ ملزم نواز گھمن کو ا ے ڈویژن پولیس نے ملزم کا علاقہ مجسٹریٹ کی عدالت سے 3روزہ جسمانی ریمانڈ حاصل کرکے تفتیش شروع کردی ہے ملزم نواز گھمن نے 4سال قبل اپنے سالے عبد العزیز کو قتل کردیا تھا اور مفرور ہوگیا تھا اب جبکہ ملزم نے عدالت سے ضمانت قبل از گرفتاری کروا رکھی تھی عدالت نے ضمانت منسوخ کرکے پولیس کے حوالہ کردیا ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی پی او گجرات رائے اعجاز احمد نے چوہدری شمشاد علی سب انسپکٹر کو تھانہ اے ڈویژن سے تبدیل
گجرات(جی پی آئی)ڈی پی او گجرات رائے اعجاز احمد نے چوہدری شمشاد علی سب انسپکٹر کو تھانہ اے ڈویژن سے تبدیل کرکے پولیس چوکی گڑھی احمد آباد کا نیا انچارج تعینات کردیا ہے پولیس چوکی نئے انچارج چوہدری شمشاد علی سب انسپکٹر نے اپنے عہدے کا چارج سنبھال کے کام شروع کردیا ہے چوہدری شمشاد سب انسپکٹر انتہائی فرض شناس ایمانیدار پولیس تھانیدار ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرا ت کے ممتاز قانون دان ملک یونس ایڈووکیٹ اپنی فیملی کے ہمراہ حج اکبر کی سعادت
گجرات(جی پی آئی)گجرا ت کے ممتاز قانون دان ملک یونس ایڈووکیٹ اپنی فیملی کے ہمراہ حج اکبر کی سعادت حاصل کرنے کے بعد وطن وآپس پہنچ گئے ائیرپورٹ پر انکی فیملی کے ارکان نے انکا استقبال کیا ملک محمد یونس ایڈووکیٹ نے اپنی فیملی کے ہمراہ مکہ مکرمہ میں حج بیت اللہ اور مقد س مقامات کی زیارت کی اور مدینہ منورہ میں روضہ رسول ۖ پر حاضری دی اور وہاں امت مسلمہ کے لیے دعائیں کیں مکہ مکرمہ میں چوہدری غلام فرید چٹھہ، چوہدری منور حسین آوانہ نے انکے اعزاز میں دعوت دی جبکہ حکیم افتخار احمد نے جدہ میں اور مدینہ منورہ میں ملک غلام مصطفی نے ملک یونس ایڈووکیٹ کے اعزاز میں پرتکلف عشائیہ دیا گجرات پہنچنے پر ممتاز شخصیات نے انکی رہائش گاہ پر جاکر ملک یونس ایڈووکیٹ کو حج بیت اللہ کی سعادت حاصل کرنے پر مبارکباد دی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تھانہ سول لائن کے علاقہ مدینہ بازار سے نامعلوم چور نویداکرم کی موٹر سائیکل چوری کرکے لے گئے
گجرات(جی پی آئی)تھانہ سول لائن کے علاقہ مدینہ بازار سے نامعلوم چور نویداکرم کی موٹر سائیکل چوری کرکے لے گئے ہیں سول لائن پولیس نے نوید اکر م کی رپورٹ پر نامعلوم چوروں کے خلاف مقدمہ درج کرلیا ہے۔نوید اکرم نے اپنی موٹر سائیکل مدینہ بازار کھڑی کی تھی تو نامعلوم چور لے اڑے پولیس تحقیقات کررہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ انسپکٹر ٹی او آر برانچ ٹی ایم اے گجرات ملک عارف کی رپورٹ پر سول لائن پولیس نے محمد سردار پورہ
گجرات(جی پی آئی)انسپکٹر ٹی او آر برانچ ٹی ایم اے گجرات ملک عارف کی رپورٹ پر سول لائن پولیس نے محمد سردار پورہ میں گلی میں تجاوزات کرنے پر عبد العزیز وغیرہ دوافراد کے خلاف مقدمہ درج کرلیا ہے عبد العزیز وغیرہ نے شارع عام پر ناجائز تجاوزات کررکھی تھی ٹی ایم اے کا عملہ ہٹانے گیا تو ملزمان نے کارسرکار میں مزاحمت اور سنگین نتائج کی دھمکیاں دی ہیں پولیس تفتیش کررہی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تھانہ گنجاہ کے گائوں گاکھڑا کلاں میں عنائیت وغیرہ نے ایک بیوہ خاتون مسمات نذیراں بی بی
گجرات(جی پی آئی)تھانہ گنجاہ کے گائوں گاکھڑا کلاں میں عنائیت وغیرہ نے ایک بیوہ خاتون مسمات نذیراں بی بی کو گھر میں گھس کر مارا پیٹا اور کپڑے پھاڑدئیے ہیں گنجاہ پولیس نے بیوہ خاتون مسمات نذیراں بی بی کی رپورٹ پر عنائیت وغیرہ چھ افراد کے خلاف مقدمہ درج کرلیا ہے ملزمان نے بیوہ خاتون کو مارا پیٹا اور کپڑے پھاڑدئیے اور تشدد کا نشانہ بنایا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دولت نگر پولیس نے موضع لانمبڑا میں لائوڈ سپیکر کاناجائز استعمال کرنے پر حافظ عمران علی
گجرات(جی پی آئی)دولت نگر پولیس نے موضع لانمبڑا میں لائوڈ سپیکر کاناجائز استعمال کرنے پر حافظ عمران علی کے خلاف پولیس کی رپورٹ پر مقدمہ درج کرلیا ہے پولیس کے مطابق حافظ عمران علی مسجد کے لائو ڈسپیکر کا ناجائز استعمال کررکھا تھا ۔
قائد جمعیت مولانا فضل الرحمن پر ہونے والے قاتلانہ حملہ کی شدید مذمت کرتے ہیں۔ محمد صدیق مدنی
گجرات کی خبروں کی تصویری جھلکیاں
