ایپل نے ہیڈ فون بنانے اور موسیقی کی سٹریمنگ سروس فراہم کرنے والی کمپنی بِیٹس الیکٹرونکس کو خریدنے کی تصدیق کی ہے۔
اس سودے کی مالیت تین ارب امریکی ڈالر ہے جسے ایپل کی تاریخ میں مہنگی ترین خریداری سمجھا جاتا ہے۔
سمجھوتے کے تحت بیٹس کے شریک بانی جمی آئوین اور ڈکٹر ڈری بھی ایپل میں چلے جائیں گے۔
ایپل کے سربراہ ٹم کوک نے کہا کہ اس خریداری سے ان کو کمپنی کو ’دنیا میں موسیقی کے سب سے منفرد آلات بنانے اور سروس مہیا کرنے کو جاری رکھنے کا موقع ملے گا۔‘
ایپل نے ایک بیان میں کہا ہے کہ وہ ابتدائی طور اس خریداری کے لیے 2.6 ارب امریکی ڈالر ادا کرے گی جبکہ تقریباً 400 ملین ڈالر بعد میں ادا کیے جائیں گے۔
بیٹس کمپنی کے بانی میوزک پروڈیوسر جمی آئیوین اور ہپ ہاپ سٹار ڈاکٹر ڈرے ہیں اور اب تک اسے ہیڈ فونز بنانے کے سلسلے میں جانا جاتا تھا لیکن اس سال کے آغاز میں کمپنی نے میوزک سٹریمنگ سروس شروع کی تھی۔
تاہم ایپل کی پہلے ہی آئی ٹیونز سٹور کی شکل میں سٹریمنگ سروس موجود ہے اور گذشتہ سال انھوں نے آئی ریڈیو متعارف کروایا تھا۔
بیٹس کی خریداری اپیل کے لیے ذرا ہٹ کے ہے کیونکہ ایپل چھوٹی کمپنیوں کو خریدنے کے بجائے خود اپنی مصنوعات تیار کرنے کے لیے مشہور ہے۔
نیویارک ٹائمز کو ایک انٹرویو میں ٹم کوک نے کہا کہ بیٹس کے بانیوں کی وجہ سے شاید یہ خریداری ہمارے لیے پرکشش تھی۔
انھوں نے کہا کہ ’آپ ہر چیز خود نہیں بناتے۔ یہاں ہمیں صرف ایک چیز میں دلچسپی نہیں ہے۔ ہماری دلچسپی ان کے لوگوں اور ان کی سروسز میں ہے۔‘
انھوں نے بیٹس کے بانیوں کی طرف اشارہ کرتے ہوئے کہا کہ ’یہ لوگ بہت منفرد ہیں جو بڑی مشکل سے ملتے ہیں۔‘
ٹیم کوک نے کہا کہ جمی آئوین اور ڈکٹر ڈری بھی اس سمجھوتے کے تحت ایپل میں شامل ہو جائیں گے۔
بیٹس کے شریک بانی جمی آئوین نے کہا کہ ’میرے دل پہلے سے یہ بات تھی کہ بیٹس ایپل کا حصہ ہے۔‘
جاپان: تیل بردار بحری جہاز میں آگ بھڑک اٹھی، کپتان سمیت 4 اہلکار لاپتہ
مصر: عبدالفتاح السیسی 97 فیصد ووٹ لے کر صدر منتخب
