مصطفی آباد/للیانی (نامہ نگار) درینہ رنجش، پانچ افراد کی فائرنگ سے محنت کش جاں بحق، بیوہ سلمی بی بی کی درخواست پر مہر احسان، اللہ وسایا، شہزاد اور دو کس نامعلوم افراد کے خلاف مقدمہ درج، تفصیلات کے مطابق محلہ بابا مٹھوہ شاہ میں مہر احسان ، اللہ وسایا، شہزاد اور دو نا معلوم افراد نے فائرنگ کرکے محنت کش اسلم کو قتل کر دیا، سلمی بی بی ودیگر نے چھپ کر جان بچائی، پولیس تھانہ مصطفی آباد نے بیوہ سلمی بی بی کی مدعیت میں مقدمہ درج کرکے ملزمان کی تلاش شروع کر دی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی (نامہ نگار) معمولی تنازع ،سرہالی کلاں میںسفیان اور اسحاق کی فائرنگ سے محمد اقبال جاں بحق، سفیان نامی شخص اقبال کی زمین ہتھیانہ چاہتا تھا گزشتہ رات بھی جھگڑا ہوا تھا، ہسپتال میں زخموں کی تاب نہ لاتے ہوئے جاں بحق ہو گیا، تفصیلات کے مطابق نواحی گائوں سرہالی کلاں میں لاہور کے رہائشی سفیان نے اپنا ایک ڈیرہ بنا رکھا تھا اور زرعی زمین پر کاشت کاری کیلئے اسحاق نامی شخص کو ملازم رکھا ہوا تھا جن کے درمیان گزشتہ رات بھی جھگڑا ہوا تھا، آج صبح کے وقت دوبارہ جھگڑا ہو گیاجس پر اسحاق او سفیان نے محمد اقبال پر فائرنگ کردی جس سے وہ شدید زخمی ہو گیا جو ہسپتال میں زخموں کی تاب نہ لاتے ہوئے جاں بحق ہو گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی (نامہ نگار) سلیم عرف لڈو ڈکیت گینگ کے پانچ افراد گرفتار، سرغنہ فرار، ڈی ایس پی مرزا عارف رشید، و بندوقیں، ایک موٹر سائیکل، 81 موبائل فون، 50 ہزار روپے نقدی ودیگر مال مسروقہ بر آمد ،ڈی پی او کی طرف سے ایس ایچ او امجد ڈوگر کو نقد انعام و تعریفی سند دینے کا اعلان، ڈی ایس پی صدر سرکل مرزا عارف رشید کی پریس کانفرنس، تفصیلات کے مطابق ڈی ایس پی صدر سرکل مرزا عارف رشید نے تھانہ مصطفی آباد میں پریس کانفرنس کرتے ہوئے کہا کہ ایس ایچ او تھانہ مصطفی آباد سردار محمد امجد ڈوگر نے اپنی پیشہ ورانہ صلاحیتوں کو برئوے کار لاتے ہوئے سلیم عرف لڈو ڈکیت گینگ کے پانچ ملزمان ندیم عرف دیمی، راشد ماچھی، عابد، شہباز سقہ، تنویر عرف لپھڑا کو گرفتار کرلیا جبکہ گینگ کا سرغنہ سلیم عرف لڈو تا حال فرار ہے جس کی گرفتاری کیلئے چھاپے مارے جا رہے ہیں، ڈکیت گینگ کے قبضہ سے دو بندوقیں، ایک موٹر سائیکل، 81 موبائل فون، 50 ہزار روپے نقدی، 20 خالی پرس، کار توس ودیگر مال مسروقہ بر آمد کر لیا، مذکورہ عرصہ داراز سے مصطفی آباد اور ان کے نواحی دیہات سے وڈانہ، سرہالی روڈ، پکی حویلی، راجباہ رام تھمن ودیگر مقامات پر ڈکیتی کی وارداتیں کرتے تھے، ڈکیت گینگ کی گرفتاری پر ڈی پی او قصور سید علی ناصر رضوی نے ایس ایچ او تھانہ مصطفی آباد سردار محمد امجد ڈوگر کو نقد انعام اور تعریفی اسناد دینے کا اعلان کیا ہے، اس موقع پر ڈی ایس پی مرزا عارف رشید نے کہا کہ پولیس عوام کے جان و مال کے تحفظ اور امن و امان کی صورت حال کو کنٹرول کرنے کیلئے دن رات کوشاں ہیں، عوامی حلقے جرائم پیشہ افراد کے قلع قمع کرنے کیلئے پولیس کا ساتھ دیں، اپنی ارد گرد نظر رکھیں اور کسی بھی مشکوک یا جرائم پیشہ افراد کی اطلاع پولیس کو دیں۔
بھارت کو جلد یا بدیر ریاست جموں کشمیر سے اپنا قبضہ ختم کرنا ہو گا۔ توقیر گیلانی
صوبائی سیکرٹری انسانی حقوق و اقلیتی امور بشری امان کا قصور کا دورہ
