پشاور (جیوڈیسک) اے پی ایس شہداء کی یاد میں خیبر پختونخواہ حکومت کی طرف سے پشاور آرکائیوز ہال میں تقریب سجی۔ چئیرمین تحریک انصاف عمران خان خطاب کرنے کے لئے اسٹیج پر پہنچے تو شہید بچوں کے والدین پھٹ پڑے۔ شہداء کے والدین نے غم و غصے کا اظہار کیا تو عمران خان نے اپنا خطاب روک کر انھیں اسٹیج پر ہی بلا لیا۔ والدین نے عمران خان سے شکوہ کیا کہ انھوں نے ساڑھے چار ماہ دھرنا دیا لیکن تعزیت کے لئے آنا گوارا نہیں کیا۔
عمران خان نے کہا کہ وہ مانتے ہیں کہ ان سے کوتاہی ہوئی ہے اور وہ ان غلطیوں کا مداوا کریں گے۔ والدین نے شکوہ کیا کہ انھیں لائبریری کی بوسیدہ عمارت کی ضرورت نہیں اگر شہید بچوں کے نام منسوب کرنا ہے تو پشاور یونورسٹی کو کیا جائے ۔ والدین کو منانے کے بعد عمران خان نے اعلان کیا کہ وہ ہری پورمیں آسٹریا کے تعاون سے ٹیکنالوجی یونیورسٹی بنائیں گے اور اسے شہداء کے نام سے منسوب کیا جائے گا ۔ عمران خان نے والدین کو یقین دہانی کرائی کہ ان کے تمام مطالبات پورے کئے جائیں گے۔
بھارت پھر پرانی ڈگر پر، دہشت گردی اور بات چیت ایک ساتھ نہیں ہو سکتی
کراچی : مارکیٹ میں آگ لگنے سے لاکھوں روپے کا بانس جل گیا، 1 شخص زخمی
