اسلام آباد (جیوڈیسک) وفاقی وزیر داخلہ چوہدری نثار علی خان نے متحدہ عرب امارات کے خارجہ امور کے وزیر کی جانب سے دھمکی آمیز بیان پر رد عمل دیتے ہوئے کہا ہے کہ اماراتی وزیر کی دھمکیاں ستم ظریفی ہی نہیں بلکہ پاکستانی قوم کے لئے لمحہ فکریہ ہیں۔
وفاقی وزیر داخلہ کا کہنا تھا کہ پاکستانی قوم غیرت مند قوم ہے اور سعودی عرب کے ساتھ یو اے ای کے عوام کے لئے بھی برادرانہ جذبات رکھتے ہیں تاہم اماراتی وزیر دھمکیاں دے رہا ہے جو پاکستان کی ہتک اور ناقابل قبول ہونے کے ساتھ لمحہ فکریہ بھی ہے۔
انہوں نے کہا کہ اماراتی وزیر کی دھمکیاں سفارتی اداب کے منافی ہے اور پاکستان اس قسم کی کسی دھمکی کو قبول نہیں کرے گا۔
واضح رہے کہ متحدہ عرب امارات کے خارجہ امور کے ریاستی وزیر ڈاکٹر انور محمود گرگاش نے پاکستان کو دھمکی دی تھی کہ یمن کی صورتحال پر پاکستان کے مبہم بیان پر اسے بھاری قیمت ادا کرنا پڑے گی۔
کنٹرول لائن پر بھارتی فوج کی بلااشتعال فائرنگ سے بچہ زخمی
کراچی پولیس کا اورنگی ٹائون میں ٹارگٹ آپریشن، القاعدہ کمانڈر سمیت پانچ دہشتگرد ہلاک
