کراچی (جیوڈیسک) اداکارہ عائشہ عمر نے کہا ہے کہ فنکار کبھی اپنی فیلڈ سے دور نہیں رہ سکتا، جو لوگ یہ کہتے ہیں کہ فلموں میں کام نہیں کررہی وہ غلطی پر ہیں۔
ہر فنکار اچھے کردار کے لئے انتظار کرتا ہے۔ میری آنے والی فلموں میں یلغار اور دیگر شامل ہیں۔ ہدایتکار امین اقبال کی فلم رہبرا میں کام کر رہی ہوں جس میں میرے ساتھ احسن خان اور ماڈل سحرش خان بھی ہیں۔
انہوں نے گفتگو کرتے ہوئے مزید کہا کہ اچھے کردار اور جاندار سکرپٹس ہر فنکار کی خواہش ہوتی ہے۔ ٹی وی فنکاروں نے فلم انڈسٹری کو ایک نئی زندگی دے دی ہے جس کے بعد فلمیں دنیا بھر میں ریلیز ہونے لگی ہیں۔
ٹی وی فنکاروں کی فلموں میں مصروفیات کے باعث اب کئی فنکار ٹی وی ڈراموں سے ضرور دور ہوگئے ہیں۔اس سے نئے ٹیلنٹ کو آگے آنے کا موقع مل رہا ہے۔
عام شہری کو اپنا حق معلوم ہو جائے تو مسائل بہت حد تک حل ہو جائیں: حق پرست ارکان اسمبلی
جھنگ کی خبریں 5/1/2017
