آصف زرداری کا پنجاب میں پوری قوت سے بلدیاتی الیکشن میں اترنے کا اعلان

Asif Zardari

لاہور (اصل میڈیا ڈیسک) سابق صدر آصف زرداری نے پنجاب میں پوری قوت کے ساتھ بلدیاتی الیکشن لڑنے کا اعلان کیا ہے۔

آصف زرداری لاہور میں پارٹی کے مرحوم رہنما ارشد گُھرکی کی رہائش گاہ پر گئے اور ان کے اہلکانہ سے تعزیت کی۔

انہوں نے پارٹی کے لیے ارشد گُھرکی کے خاندان کی خدمات کو بھی سراہا۔

اس موقع پر آصف زرداری نے کہا کہ بلدیاتی الیکشن میں میدان خالی نہیں چھوڑیں گے، 1979 کی طرح لاہور کے بلدیاتی الیکشن میں کلین سوئپ کریں گے۔

سابق صدر کا کہنا تھا کہ پنجاب میں پوری قوت سے بلدیاتی انتخابات لڑیں گے اور لاہور سمیت پورے پنجاب میں پارٹی کو مضبوط کریں گے۔

Nasir Mehmood - Chief Editor at GeoURDU.com