لاہور (اصل میڈیا ڈیسک) لاہور میں قاتلانہ حملے میں زخمی ہونے والے پاکستان مسلم لیگ ن کے رکن پنجاب اسمبلی بلال یاسین کو میو اسپتال سے گھر منتقل کر دیا گیا ہے۔
ایم پی اے بلال یاسین نے اسپتال سے گھر منتقل ہونے کے بعد جیو نیوز سے گفتگو کرتے ہوئے بتایا کہ ٹانگ میں فریکچر کے باعث تکلیف ہے لیکن اپنی صحت کے بارے میں مطمئن ہوں، اللہ نے نئی زندگی دی ہے۔
حملہ آوروں سے متعلق سوال پر اُن کا کہنا تھا کہ حملہ میاں وکی نامی شخص نے کروایا ہے۔
اس کے علاوہ انہوں نے کہا کہ میاں نواز شریف کا سپاہی ہوں گھبرانے والا نہیں۔
واضح رہے 31 دسمبر کو لاہور کے موہنی روڈ پر موٹر سائیکل سوار 2 نامعلوم افراد نے رکن پنجاب اسمبلی بلال یاسین پر فائرنگ کی تھی جس کے نتیجے میں وہ زخمی ہو گئے تھے۔
وزیراعلیٰ کی اشیائے خورد و نوش زائد قیمتوں پر فروخت کرنے والوں کیخلاف سخت ایکشن کی ہدایت
شاہ رخ جتوئی کو کس مرض کے بہانے اسپتال میں رکھا گیا؟ وجہ سامنے آ گئی
