اسلام آباد (جیوڈیسک) قومی اسمبلی میں قائد حزب اختلاف خورشید شاہ کا کہنا ہے کہ اسمبلی کی مدت 4 سال کر دی جائے اور انتخابات 4 سال بعد ہونے چاہئیں۔
گزشتہ روز پارلیمنٹ ہاؤس میں اپوزیشن جماعتوں کے اجلاس خورشید شاہ کی صدارت میں ہوا جس میں انتخابی اصلاحات کے لئے حکومتی اقدامات اور دیگر امور پر غور کیا گیا، اجلاس میں تحریک انصاف کی طرف سے شاہ محمود قریشی اور شیریں مزاری، عوامی مسلم لیگ کے سربراہ شیخ رشید، جماعت اسلامی کے طارق اللہ اور ایم کیو ایم کے رشید گوڈیل شریک ہوئے۔
اجلاس کے بعد خورشید شاہ نے کہا کہ ہمارے سیاستدان اطمینان کے ساتھ حکومت کے 5 سال پورے ہونے کا انتظار نہیں کرتے، میری ذاتی تجویز ہے کہ اسمبلی کی مدت 4 سال کر دی جائے اور انتخابات چار سال بعد ہونے چاہئیں، خورشید شاہ نے بتایا کہ اجلاس میں انتخابی اصلاحات پر غور کیا گیا۔
اور اس حوالے سے اسپیکر قومی اسمبلی سردار ایازصادق نے جو خط لکھا ہے، اس پر غور ہوا، تاہم اجلاس میں انتخابی اصلاحات کی پارلیمانی کمیٹی کا حصہ بننے یا نہ بننے کے بارے میں فیصلہ نہیں ہو سکا، صلاح و مشورہ جاری ہے، انتخابی کمیٹی کا اجلاس منگل کو دوبارہ ہوگا۔
میمو گیٹ اسکینڈل؛ حسین حقانی کو وطن واپس لانے کیلئے سپریم کورٹ میں درخواست دائر
پرویز مشرف سے متعلق عدالتی فیصلے پر وکلا منقسم
