بھمبر (ڈسٹرکٹ رپورٹر) ڈپٹی کمشنر بھمبر نے جماعت اسلامی کو عزم انقلاب جلسہ میں لوڈ سپیکر استعمال کرنے سے روک دیا خلاف ورزی کرنے پر ذمہ داران کیخلاف کارروائی عمل میں لائی جائیگی تفصیلات کے مطابق جماعت اسلامی کے زیر اہتمام 25 جنوری کو بھمبر میں ہونیوالے عزم انقلاب جلسہ میں لوڈ سپیکر کے استعمال پر ڈپٹی کمشنر بھمبر مرزا ارشد محمود جرال نے پابندی عائد کر دی جس کے متعلق جماعت اسلامی بھمبر کے ذمہ داران کو باقاعدہ آگاہ کر دیا گیا ہے خلاف ورزی کرنے پر جماعت اسلامی ضلع بھمبر کے ذمہ داران کے خلاف کارروائی عمل میں لائی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (ڈسٹرکٹ رپورٹر) اسسٹنٹ کمشنر بھمبر راجہ طارق محمود کا پولیس نفری کے ہمراہ سکولوں، کالجوں، ہوٹلوں ، لاری اڈہ، فیکٹری ایریا اور انٹری پوانٹس پر سیکورٹی انتظامات کا جائزہ سیکورٹی کے انتظامات مزید بہتر کرنے کے احکامات بھمبر داخل ہونیوالوں پر کڑی نظر رکھنے کی ہدایات تفصیلات کے مطابق ڈپٹی کمشنر بھمبر مرزا ارشد محمود جرال کی ہدایت پر اسسٹنٹ کمشنر بھمبر راجہ طارق محمود نے گزشتہ روز پولیس کی بھاری نفری کے ہمراہ بھمبر کے اندر سکولوں، کالجوں ، ہوٹلوں، لاری اڈوں ، فیکٹری ایریا اور انٹری پوانٹس پر سیکورٹی کے حوالے سے ہونیوالے انتظامات کا مکمل جائزہ لیا بھمبر کے داخلی اور خارجی راستوں پر آنے جانے والوں پر کڑی نظر رکھنے ، لاری اڈوں پر آنے جانے والوں کے مکمل کوائف رکھنے ہوٹلوں پر رہنے اور آنے جانے والے گاہکوں کی مکمل چھان بین اور صفائی ستھرائی رکھنے کی ہدایات جبکہ سکولوں اور کالجوں میں سیکورٹی گارڈ رکھنے حفاظی دیواروں کو اونچا کرنے اور خار دار تاریں لگانے کی ہدایات دی جن جگہوں پر سیکورٹی کے انتظامات بہتر تھے وہاں مزید بہتر کرنے کی ہدایات دیں اس موقع پر انہوں نے صحافیوں سے گفتگو کرتے ہوئے کہا کہ انٹری پوائنٹس پاک فوج کی مدد سے سیکورٹی کے فول پروف انتظامات ہوئے ہیں جبکہ سکولوں ، کالجوں کے اندر بھی سیکورٹی کے انتظامات میں کافی حد تک بہتر ہیں سیکورٹی کے حوالے سے کسی قسم کی غفلت اور لا پرواہی برداشت نہیں کرینگے ضلعی انتظامیہ کی ہدایات کے مطابق سیکورٹی کے انتظامات نہ کرنے والوں کیخلاف بھر پور کارروائی کرینگے شہری بھی ضلعی انتظامیہ کے ساتھ تعاون کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (ڈسٹرکٹ رپورٹر) یونین کونسل ملوٹ حلقہ برنالہ کی سب سے بڑی یونین کونسل ہے حکمرانوں نے ایک سازش کے تحت یونین کونسل ملوٹ کے عوام کو پسماندہ رکھا اور انکا استحصال کیا 30 ہزار نفوس پر مشتمل آبادی کو جان بوجھ کو صحت ، تعلیم سمیت دیگر بنیادی سہولتوں سے محروم رکھا گیا اورانہیں پسماندہ تر پسماندہ کر کے اپنا غلام بنایا گیا آئندہ کسی کو یونین کونسل ملوٹ کے عوام کیساتھ کھلواڑ نہیں کرنے دینگے یونین کونسل ملوٹ کے عوام نے آمدہ الیکشن میںملک عبدالمالک اعوان کو حلقہ برنالہ سے الیکشن لڑنے اور انکی نمائندگی کرنے کا اختیار دے دیا ہے حلقہ برنالہ سمیت یونین کونسل ملوٹ میںملک عبدالمالک اعوان خدمت کی سیاست متعارف کرائینگے ان خیالات کا اظہار یوتھ کے راہنما ملک وسیم اعوان نے اپنے ایک بیان میں کیا انہوں نے کہا کہ موجودہ حکمرانوں نے یونین کونسل ملوٹ کو جو حلقہ برنالہ کی سب سے بڑی یونین کونسل ہے کو جان بوجھ کر پسماندہ رکھا ہے یونین کونسل ملوٹ کی آبادی 30 ہزار سے زائد ہے لیکن علاقہ میں نہ تو کوئی بہترین ہسپتال اور نہ ہی لڑکوں اور لڑکیوں کیلئے کالجز ہیں حتیٰ کہ کئی کئی سالوں سے پرائمری اور مڈل سکول بھی اپ گریڈ نہ ہو سکے جس کے باعث علاقے کے بچے اور بچیاں نہ صرف اعلیٰ تعلیم سے محروم ہیں بلکہ ان کا مستقبل بھی تباہ ہو کر رہ گیا ہے اور اس کی تمام تر ذمہ داری حلقہ سے منتخب ہونیوالوں پر ہے انہوں نے کہا کہ آئندہ الیکشن میں حلقہ کے عوام کے حقوق غصب کرنے والوں کا بھر پور محاسبہ ہو گاملک عبدالمالک اعوان آئندہ حلقہ سے مظلوم عوام کی نمائندگی کرینگے اور حلقہ کے عوام کو ان کے حقوق دلانے کیلئے آئندہ بھر پور کردار ادا کرینگے برنالہ کے عوام نے سابقہ اور موجودہ حکمرانوں سے تنگ آ کرتبدیلی کا سگنل دے دیا ہے عوام کی طاقت سے انشاء اللہ آئندہ الیکشن میںملک عبدالمالک اعوان بھر پور کامیابی حاصل کرینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (ڈسٹرکٹ رپورٹر) معذور بچوں کی حوصلہ افزائی اور مدد کرنا دراصل اللہ تعالیٰ کی خوشنودی حاصل کرنا ہے جہاں ہم عوامی فلاح و بہبود کیلئے کئی منصوبے پلان کرتے ہیں وہاں حکومت اور معاشرے کی ذمہ داری ہے کہ وہ معذور بچوں کی ہر طرح مدد اور راہنمائی کرے تا کہ ملک کے یہ عظیم بچے احساس کمتری کا شکار نہ ہوں معذور افراد کو نظر انداز کرنا خدا تعالیٰ کی ناراضگی کا سبب بن سکتا ہے ان خیالات کا اظہار ایڈمنسٹریٹر میونسپل کمیٹی بھمبر راجہ شاہد انور نے صباء انسٹی ٹیوٹ آف سپیشل ایجوکیشن کے دورے کے موقع پر گفتگو کرتے ہوئے کیا انہوں نے کہا کہ اسلامی لحاظ سے بیداار معاشروں کے اندر معذور اور صحت مند افراد کے درمیان کوئی تفریق و تقسیم نہیں کی جاتی حکومت اور NGO ایسے بچوں اور اداروں کیلئے ٹھوس بنیادوں پر انکو زندگی کے ہر شعبہ میں نمائندگی دینا ضروری ہے تا کہ یہ محسوس ہو کہ معاشرے کے اندر سپیشل بچے بھی ملک کی تعمیر و ترقی اور خوشحالی میں باوقار کردار ادا کر رہے ہیں اس طرح کے اداروں اور بچوں کیلئے حکومت ، انتظامی آفیسران اور NGO’s کو ٹھوس بنیادوں پر مستقبل کی پلاننگ کرنا ہو گی انہوں نے کہا کہ مخیر حضرات بھی انکی ہر ممکن سپورٹ کریں تا کہ ان عظیم بچوں کو زیور تعلیم سے آراستہ کر کے انہیں ملک اور معاشرے کا کار آمد شہری بنایا جا سکے اس موقع پر انہوں نے صباء انسٹی ٹیوٹ آف سپیشل ایجوکیشن کیلئے 10 ہزار روپے کا چیک بھی پرنسپل کو دیا اور آئندہ بھی تعاون کی یقین دہانی کروائی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (ڈسٹرکٹ رپورٹر) قائد ملت چوہدری غلام عباس کے مزار کی زمین پر پنجاب پولیس کی نگرانی میں لینڈ مافیا کا قبضہ کرنا بھونڈی حرکت ہے جس پر پوری کشمیری قوم سراپا احتجاج ہے قائد ملت کے مزار کے رقبہ کو فی الفور واگزار نہ کروایا گیا تو کشمیری قوم پوری دنیا میں احتجاج کرے گی ان خیالات کا اظہار آل جموں و کشمیر مسلم کانفرنس ضلع بھمبر کے جنرل سیکرٹری و سابق چیئرمین زکوٰة و عشر تحصیل بھمبر راجہ مسعود اسلم آف پوٹھی نے کیا انہوں نے کہا کہ قائد ملت نے پاکستان کے ساتھ اپنی نظریاتی وابستگی نبھاتے ہوئے اپنی تدفین پاکستان میں کروانے کی نصیحت کی تھی انہوں نے کہا کہ پہلے قائداعظم کو کوئٹہ میں رہائش گاہ کو تباہ کیا گیا اور اب قائداعظم کے جانشین قائد ملت چوہدری غلام عباس کے مزار کے رقبہ پر لینڈ مافیا کا جان بوجھ کر قبضہ کروایا گیا ہے جس سے کشمیریوں کے جذبات کو ٹھیس پہنچی ہے مسلم لیگ نون کی حکومت اور پنجاب پولیس کی موجودگی میں قبوضہ ہونا انتہائی شرمناک فعل ہے جس کی جتنی بھی مذمت کی جائے کم ہے حکومت پاکستای فی الفور لینڈ مافیا سے رقبہ واگزار کروائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (ڈسٹرکٹ رپورٹر) ظلم جبر ، بربریت اور سفاکی انسان کی شایان شان نہ ہے دہشت گردی نے بچوں پر ہاتھ اٹھا کر نئے حالات کا جنم دیا ہے جو کہ پوری قوم اور عالم اسلام کیلئے ناقابل برداشت ہے بچوں پر وحشیانہ فائرنگ پشاور کا سانحہ ہمارے لئے نئی راہیں متعین کر رہا ہے غیور اور بے باک معاشرے کبھی بھی ظلم و جبر کے سامنے نہیں جھکتے ان خیالات کا اظہار پاکستان پیپلز پارٹی آزاد کشمیر کے ممبر سنٹرل ایگزیکٹو کونسل چوہدری گلزار احمد ایڈووکیٹ نے اپنے بیان میں کیا انہوں نے کہا ظلم جبر ، بربریت اور سفاکیت سے معصوم بچوں کو درندگی کا نشانہ بنانا مسلمانوں کا شیوہ نہیں مسلمان کو سفاکی کی اجازت کبھی بھی قرآن و حدیث نے نہیں دی عورتوں اور بچوں نہتے شہریوں پر فائرنگ بزدلی اور مایوسی ہے معصوم بچوں کی شہادت انتہائی غلط ور قانون کی دھجیاں بکھیرنے کے مترادف ہے انہوں نے کہا کہ قوم کی نظریں اب فوج پر ہیں نہتے لوگوں کو تنگ کرنا سویلین لوگوں کو پریشان کرنا اسلام اسکی اجازت نہیں دیتا بھارت اسرائیل اور دوسری قومیں پاکستان کو کمزور اور تحریک آزادی کشمیر سے توجہ ہٹانے کیلئے سازشیں کر رہے ہیں سیکورٹی اور انٹیلی جنس اداروں کو جدید دور کے مطابق پالیساں بنانا ہونگی جو لوگ اس سازش میںہیں کہ پاکستان کا جغرافیہ تبدیل کریں وہ اپنے مذموم مقاصد میں کبھی کامیاب نہیں ہونگے کمزوریوں اور کوتاہیوں کے باوجود یہ اولیاء کی سر زمین ہے اللہ تعالیٰ پاکستان کی حفاظت کر رہا ہے دشمن آخر کار شکست سے دو چار ہو گا۔
لیاقت نیشنل ہسپتال و میڈیکل کالج لیٹریری و ڈیبٹنگ سوسائٹی کے زیر اہتمام بین المدارس تقریری مقابلے کی تقریب سے خطاب
شہری بلدیاتی ادارے عوام کو سہولت کی فراہمی میں ناکام ہو چکے ہیں۔عصمت انور محسود
