گولڈ کوسٹ (جیوڈیسک) آسٹریلیا ویمن ٹیم نے پاکستان ویمن ٹیم کو تیسرے ٹی 20 میچ میں شکست دے دی۔۔ آسٹریلیا کو سیریز میں قومی ٹیم کے خلاف 0-3 کی برتری حاصل ہو گئی۔
آسٹریلوی میدان گولڈ کوسٹ پر ہونے والے ٹی 20 میچ میں قومی ویمن ٹیم نے ٹاس جیت کر بیٹنگ کا فیصلہ کیا ۔ 52 رنز کے مجموعی سکور پر آدھی ٹیم پویلین لوٹ گئی۔
نین عابدی 30 رنز بنا کر ناٹ آؤٹ رہیں، مرینہ اقبال نے ٹوٹل میں 11 رنز کا اضافہ کیا۔ آسٹریلیا کی جانب سے ڈیلیسا کیمینس نے 2 کھلاڑیوں کو آؤٹ کیا۔
آسٹریلیا کی ویمن ٹیم نے 85 رنز کا مقررہ ہدف 2 وکٹوں کے نقصان پر11 اعشاریہ 4 اوورز میں پورا کر لیا۔ ایلیسے ویلانی نے نصف سنچری سکور کی جبکہ کپتان میگ لیننگ نے 24 رنز کی ناٹ آؤٹ اننگز کھیلی۔ ثانیہ خان اور ماہم طارق نے ایک ایک کھلاڑی کو آؤٹ کیا۔
ٹور آف اسپین سائیکل ریس ، دسویں مرحلے میں جرمین سائیکلسٹ کی برتری
سری لنکا میں میچ پریکٹس کی کمی لے ڈوبی، مصباح بہانے تراشنے لگے
