راولپنڈی (جیوڈیسک) آئی ایس پی آر کے مطابق ایوی ایشن بیس ورکشاپ پر ہیلی کاپٹرز کی اوور ہالنگ کا کام شروع کیا گیا ہے۔ ایوی ایشن بیس ورکشاپ پر ہیلی کاپٹرز کے پہلے بیچ کی اوور ہالنگ مکمل کر لی گئی۔
سینٹ پیٹر برگ ایوی ایشن ریپئرنگ کمپنی کے تعاون سے پاکستان میں ہیلی کاپٹرز کی اوور ہالنگ کی یہ پہلی ورکشاپ ہے۔ آرمی چیف جنرل راحیل شریف نے ایوی ایشن بیس کا دورہ کیا اور اوور ہالنگ کئے جانے والے ہیلی کاپٹروں کا معائنہ کیا۔ آرمی چیف نے ایوی ایشن بیس کے انجینئرز اور ٹیکنیشنز کو مبارکباد دی۔
اس موقع پر ان کا کہنا تھا کہ بڑھتے ہوئے چیلنجز اور آرمی ایوی ایشن کی آپریشنل تیاریوں کیلئے خودانحصاری اور استعداد کار میں اضافہ ضروری ہے۔
پنجاب اسمبلی سے ملحقہ سڑکوں پر 3 دن سے کھڑے کنٹینرز ہٹا دیئے گئے
کراچی: فائرنگ پر تشدد واقعات میں چھ افراد جاں بحق، ڈکیتی مزاحمت پر ایک شخص ہلاک
