لندن (جیوڈیسک) انگلینڈ نے سری لنکا سے سیریز کیلیے ٹی 20 اور ون ڈے اسکواڈز کا اعلان کر دیا، اسٹورٹ براڈ کے انجرڈ ہونے کی وجہ سے ایون مورگن کو ٹی 20 ٹیم کی قیادت سونپ دی گئی۔ مائیکل کیربیری کو دونوں ٹیموں کا حصہ بنایا گیا، اس طرز میں اسٹروک پلیئر ای ین بیل کی بھی واپسی ہوئی جبکہ مائیکل لمب کو ڈراپ کر دیا گیا، اسکاٹ لینڈ کے خلاف ون ڈے ڈیبیو کرنے والے لیفٹ آرم سیمر ہیری گرنی اور ٹم بریسنن کو دونوں ٹیموں میں شامل کیا گیا۔ واحد ٹوئنٹی 20 میچ 20 مئی کو اوول میں کھیلا جائے گا۔
ون ڈے اسکواڈ ابتدائی تین میچز کیلیے تشکیل دیا گیا ہے۔ مختصر ترین فارمیٹ کے لیے ٹیم میں کپتان مورگن، معین علی، بیل، بوپارا، بریسنن، بٹلر، کیربیری، ہیری گرنی، الیکس ہالز،جورڈن، جوئے روٹ، جیمز ٹریڈ ویل اور کرس ووئکس شامل ہیں،ایک روزہ اسکواڈ کپتان الیسٹرکک، جیمزاینڈرسن، گیری بیلنس، بوپارا، بیل، بریسنن، جوز بٹلر،کیربیری، ہیری، جورڈن، مورگن، روٹ، ٹریڈویل اور کرس ووئکس پر مشتمل ہے۔
ذکااشرف پر2 کروڑ80 لاکھ روپے کی کرپشن کا الزام
مشتاق کی پہلی بار بطور کوچ تقرری پر بھی ہنگامہ برپا رہا
