لاہور (جیوڈیسک) لاہور ہائیکورٹ راولپنڈی بینچ نے ایان علی کرنسی سمگلنگ کیس میں نامزد ملزم اویس کی ضمانت قبل از گرفتاری منظور کر لی ، ملزم کا موقف ہے کہ ایان علی سے کوئی تعلق نہیں، جائیداد خریدنا جرم نہیں۔
ماڈل گرل ایان علی کرنسی سمگلنگ کیس کے ملزم پراپرٹی ڈیلر اویس نے لاہور ہائیکورٹ راولپنڈی بینچ میں درخواست ضمانت قبل از گرفتاری دائر کی جس میں موقف اختیار کیا گیا ہے کہ کیس کی مرکزی ملزمہ ایان علی سے کوئی تعلق نہیں ہے۔
ایان علی سے جائیداد خریدی، پراپرٹی خریدنا کوئی جرم نہیں ہے ، عدالت نے ملزم کی درخواست منظور کرتے ہوئے فریقین کو نوٹسز جاری کر دیئے ہیں اور حکم دیا ہے کہ آئندہ سماعت تک درخواست گزار کو حراساں یا گرفتار نہ کیا جائے۔ درخواست کی سماعت چھبیس مئی تک ملتوی کر دی۔
سردار شیر علی خان نے محمد رفیق رجوانہ سے ملاقات کی
وزیراعظم 2 روزہ دورے پر ترکمانستان روانہ، دو طرفہ تعلقات بڑھائے جائینگے
