مظفر آباد (اصل میڈیا ڈیسک) آزاد کشمیر حکومت نے عیدالاضحیٰ پر کورونا وائرس کے پھیلاؤ کو روکنے کے لیے 29 جولائی سے 2 اگست تک مکمل لاک ڈاؤن کا فیصلہ کیا ہے۔
محکمہ داخلہ آزاد کشمیر کے جاری کردہ نوٹیفکیشن کے مطابق آزاد کشمیر بھر میں لاک ڈاؤن کا اطلاق 29 جولائی رات 12 بجے سے 2 اگست کی رات 12 بجے تک ہوگا۔
نوٹیفکیشن کے مطابق لاک ڈاؤن کے دوران سیاحوں کی آمد و رفت ختم اور سیاحتی مقامات، پبلک پارکس مکمل بند رہیں گے۔
نوٹیفکیشن میں کہا گیا ہے کہ لازمی سروسز کے مراکز جیسے میڈیکل اسٹورز، بینک، پیٹرول پمپس، کریانہ اسٹور، سبزی، فروٹ، بیکری ،دودھ ، گوشت کی دکانیں اور پبلک ٹرانسپورٹ مقررہ اوقات کار میں ایس او پی کے تحت لاک ڈاؤن سے مستثنیٰ رہیں گی۔
کورونا نواز شریف کیلئے جان لیوا ثابت ہو سکتا ہے، نئی میڈیکل رپورٹ عدالت میں جمع
بہترین وزیراعلیٰ عثمان بزدار یا مراد علی شاہ؟ عوام کی ٹوئٹر پر ووٹنگ
