اسلام آباد (جیوڈیسک) آزاد کشمیر کی وادی نیلم، لیپہ سمیت مختلف پہاڑی علاقوں میں برف باری شروع ہوگئی ہے، جس سے سردی میں اضافہ ہوگیا ہے۔ آزاد کشمیر کے پہاڑی علاقوں وادی نیلم، لیپہ، گریز اور فارورڈکہوٹہ اور دیگر علاقوں میں موسم کی پہلی برف باری کا آغاز ہوگیا۔
ٹھنڈی ہوائیں چلنے اور برف باری نے سردی کی شدت میں اضافہ کر دیا ہے۔مالا کنڈ ڈویژن کے علاقوں چترال ،سوات میں بھی وقفے وقفے سے ہونےوالی برف باری کے بعد سردی بڑھنا شروع ہوگئی ہے۔
گلگت بلتستان میں غذر اور استور میں بھی پہاڑوں پر برفبار ی جاری ہے۔بلوچستان کے شمالی علاقوں میں سرد ہوائیں چل رہی ہیں۔ محکمہ موسمیات کا کہنا ہے۔
کہ آج مالاکنڈ، ہزارہ، پشاور، راول پنڈی، گوجرانوالہ، لاہور ڈویژن، اسلام آباد، کشمیر اور گلگت بلتستان میں چند مقامات پر تیزہواوں کے ساتھ مزید بارش اور پہاڑوں پر برف باری کا امکان ہے۔
وادی تیراہ میں خودکش حملہ ، پانچ افراد جاں بحق، 7 زخمی
پی آئی اے کے طیارے میں دھواں بھر گیا
