مظفر آباد (جیوڈیسک) راولپنڈی سے راولاکوٹ جانے والی بدنصیب مسافر بس ہرنامیرہ کے مقام پر پھسلن کے باعث کھائی میں گرنے سے سات افراد موقع پر جاں بحق اور نو زخمی ہو گئے۔ زخمی افراد کو مقامی لوگوں نے اپنی مدد آپ کے تحت جائے حادثہ نکال کر سی ایم ایچ راولا کوٹ منتقل کر دیا۔
ایک اور حادثے میں مظفر آباد کے نواحی علاقے سرلی سچا سے پٹہکہ آنے والی جیپ کوپرا گلی کے مقام پر موڑ کاٹتے ہوئے کھائی میں جا گری۔ حادثے میں دو مسافر موقع پر جاں بحق اور تین زخمی ہوگئے۔
زخمیوں کو علاج کے لئے بنیادی مرکز صحت پٹہکہ منتقل کر دیا گیا جہاں ڈاکٹروں کا کہنا ہے زخمیوں کی حالت خطرے سے باہر ہے۔ ایک اور حادثے میں نوسیری سے مظفر آباد آتے ہوئے۔
مسافر وین پٹہکہ کے مقام پر تیز رفتاری کے باعث کھائی میں گرنے سے ایک مسافر جاں بحق جبکہ 5 خواتین اور دو بچوں سمیت 12 افراد زخمی ہوگئے۔ زخمیوں کو شیخ خلیفہ بن زاید النہیان ہسپتال مظفر آباد منتقل کر دیا گیا جہاں دو کی حالت کی حالت تشویشناک بتائی جاتی ہے۔
مہمند ایجنسی کی تحصیل میں بارودی سرنگ کا دھماکہ ، تین پولیو ورکرز جاں بحق
عید پر گوشت کھائیں مگر اعتدال کے ساتھ ، طبی ماہرین
