ننکانہ صاحب (جیوڈیسک) سکھ مذہب کے بانی بابا گورو نانک کے جنم دن کی تین روزہ تقریبات ننکانہ صاحب میں شروع ہو گئی ہیں ۔ گوردوارہ جنم استھان میں تقریبات کا آغاز رات گئے اکھنڈ پاٹھ کی ادائیگی کے ساتھ ہوا ۔
سکھ یاتری شبد کیر تھن ، متھا ٹیکی ، اشنان اور دیگر گوردواروں کی یاترا میں مصروف ہیں ۔ یاتری آج گوردوارہ سچا سودا (فاروق آباد ) کی یاترا کے دوران متھا ٹیکی کی رسم بھی ادا کریں گے ۔ تقریبا ت کے دوران ننکانہ صاحب میں سیکورٹی کے سخت انتظامات کئے گئے ہیں ۔
تمام داخلی اور خارجی راستوں پر خار دار تاریں اور بیرئیر لگا کر پولیس کی بھاری نفری تعینات کی گئی ہے ۔ گوردوارہ کے داخلی راستوں پر چیکنگ کے ساتھ ساتھ واک تھرو گیٹس اور سکریننگ مشین بھی نصب کی گئی ہے ۔ گوردوارہ کے اندر اور باہر سی سی ٹی وی کیمرے بھی نصب کئے گئے ہیں ، شہر کے نجی اور سرکاری تعلیمی ادارے چار روز کے لئے بند رہیں گے ۔
امریکی مڈٹرم انتخابات ، آٹھ سال میں پہلی بار ری پبلیکنز کی سینیٹ اور ایوان نمائندگان میں برتری
کولکتہ میں الرٹ، دو بحری جہاز کھلے سمندر میں واپس
