کراچی (اصل میڈیا ڈیسک) وفاقی وزیر برائے بحری امور علی زیدی کا کہنا ہے کہ سابق وفاقی وزیر برائے پورٹس اینڈ شپنگ بابر غوری کے بھرتی کر دہ کے پی ٹی ملازمین پاکستان تحریک انصاف کی رہنما زہرہ شاہد کے قتل میں ملوث ہیں۔
علی زیدی نے اپنے ایک بیان میں بتایا کہ زہرہ شاہد کو قتل کرنے والے 2 ملزمان کے پی ٹی کے ملازمین تھے، دونوں ملزمان کو بابر غوری نے بھرتی کیا تھا۔
وفاقی وزیر نے کہا کہ اس وقت بابر غوری ملک سے فرار ہو کر امریکا میں مقیم ہیں۔
یاد رہے کہ زہرہ شاہد کو مئی 2013 میں ان کی رہائش گاہ کے باہر قتل کر دیا گیا تھا اور ان کے قتل کے الزام میں 4 ملزمان گرفتار کیا گیا تھا۔
کراچی کے ساحل سے 48 روز بعد نکالے جانے والے پاناما کے جہاز ہینگ ٹونگ کے حوالے سے بات کرتے ہوئے علی زیدی کا کہنا تھا تاریخ میں پہلی بار پھنسا ہوا جہاز صحیح سلامت نکلا ہے۔
تورغر: شدید بارشوں اور آسمانی بجلی گرنے سے 14 افراد جاں بحق
بھارت داعش کے 5 تربیتی کیمپ چلا رہا ہے: ترجمان دفتر خارجہ
