ایک طرف حکومت عوام کو لوٹ رہی ہے تو دوسری طرف سٹریٹ کرائم جیسی وارداتوں نے عوام کا جینا محال کر رکھا ہے، روحیل اکبر
Posted on September 2, 2013 By Tahir Webmaster سٹی نیوز
تحریک تحفظ پاکستان کے مرکزی جوائنٹ سیکریٹری روحیل اکبر نے کہا ہے کہ ایک طرف حکومت عوام کو لوٹ رہی ہے تو دوسری طرف سٹریٹ کرائم جیسی وارداتوں نے عوام کا جینا محال کر رکھا ہے ملک میں حکومت نام کی کوئی چیز نظر نہیں آتی ہر طرف لٹیروں اور چورںکا راج ہے اپنے ایک جاری بیان میں انہوں نے کہا کہ الیکشن سے قبل بڑے بڑے دعوے کرنے والی موجودہ حکومت نے پیٹرول اور بجلی کی قیمتوں میں بے تحاشہ اضافہ کرکے عوام کو دونوںہاتھوں سے لوٹنا شروع کررکھا ہے۔
جبکہ دوسری طرف جرائم کی بڑھتی ہوئی وارداتوں نے عوام کا جینا محال کررکھا ہے اب تو دن دیہاڑے عوام کو لوٹا جارہا ہے اور کئی پوچھنے والا نہیں انہوں نے کہا کہ اب اگر عوام کو سمجھ آگئی ہو تو وہ محسن پاکستان ڈاکٹر عبدالقدیر خان کو ملک کا سربراہ بنائیں تاکہ چوروں لٹیروں سے ملک کی جان چھوٹے اور ملک ترقی کی شاہرہ پر گامزن ہو سکے۔
