لوٹ مار کی سیاست کرنے والوں کی وجہ سے آج ملک میں دہشت گردی اور ٹارگٹ کلنگ عام ہو چکی ہیں،روحیل اکبر جوائنٹ سیکریٹری اطلاعات
Posted on February 17, 2013 By Noman Webmaster سٹی نیوز
تحریک تحفظ پاکستان کے جوائنٹ سیکریٹری اطلاعات روحیل اکبر نے کہا ہے کہ ایک طرف پاکستان کے غریب عوام روٹی کپڑا اور مکان کو ترس رہیں ہیں جبکہ دوسری طرف لاہور میں اربوںروپے کے کی لاگت سے بلاول ہائوس تعمیر کرکے قلعے بنائے جارہے ہیں اپنے ایک بیان میں انہوں نے کہا کہ لوٹ مار کی سیاست کرنے والوں کی وجہ سے آج ملک میں دہشت گردی اور ٹارگٹ کلنگ عام ہو چکی ہیں۔
حکمران اپنے مضبوط قلعوں میں بیٹھ کر کس عوامی خدمت کی بات کرتے ہیں اگر آج محسن پاکستان ڈاکٹر عبدالقدیر خان نے ملک کو ایٹمی قوت نہ بنایا ہوتا تو آج ان نااہل حکمرانوں کی وجہ سے ملک کئی ٹکڑوں میں تقسیم ہو چکا ہوتا۔
اب بھی اگر قوم نے محسن پاکستان کو ملک کا سربراہ نہ بنایا تو پھر ملک کے حالات کسی کے کنٹرول میں نہیں رہیں گے اور خطرات کو بھانپتے ہوئے کرپٹ حکمران باہر بھاگ جائیں گے جہاں انہوں نے اپنے لیے پہلے ہی سے جائیدادیں بنا رکھی ہیں
