پشاور (جیوڈیسک) گزشتہ روز بڈھ بیر کوہاٹ روڈ پر فائرنگ سے جاں بحق ہونے والے 5 پولیس اہلکاروں کی نماز جنازہ ادا کر دی گئی۔
گزشتہ روز پشاور کے نواحی علاقے بڈھ بیر کوہاٹ روڈ پر نامعلوم شرپسندوں کی فائرنگ سے جاں بحق ہونے والے 5 پولیس اہلکاروں کی نماز جنازہ پولیس لائن پشاور میں ادا کی گئی جس میں آئی جی خیبر پختون خوا ناصر درانی سمیت پولیس کے اعلی حکام نے شرکت کی تاہم خیبر پختون خوا حکومت کے کسی نمائندے نے شرکت نہیں کی۔
نماز جنازہ کے بعد پولیس اہلکاروں کی میتوں کو ان کے آبائی علاقوں میں تدفین کے لئے روانہ کر دیا گیا۔
واضح رہے کہ گزشتہ روز بڈھ بیر کوہاٹ روڈ پر نامعلوم افراد نے زنگلی چیک پوسٹ پر فائرنگ کر کے اے ایس آئی 5 پولیس اہلکاروں کو قتل کر دیا تھا۔
نئی بھارتی حکومت سے خوشگوارتعلقات چاہتے ہیں،عبدالباسط
کتاب کتاب ہوتی ہے! اسلم رئیسانی بھی کتاب لکھیں گے
