بدین (جیوڈیسک) بدین میں سوشل میڈیا پر بلیک میلنگ سے تنگ آ کر خودکشی کرنے والی لڑکی کا مرکزی ملزم گرفتار کر لیا گیا۔
خودکشی کرنے والی انیلا کا مقدمہ والد کی مدعیت میں ٹنڈو غلام علی تھانے میں درج کیا گیا ہے۔
والد کا کہنا تھا کہ 18 مئی کی رات انیلا نے زہر پی لیا تھا، اسے حیدرآباد لے جایا گیا مگر وہ جانبر نہ ہوسکی، لیکن آخری وقت میں انیلا نے تینوں ملزمان کے نام لیے۔
پولیس کے مطابق ایف آئی آر میں سوم چند کو مرکزی ملزم نامزد کیا گیا ہے جسے حیدرآباد سے گرفتار کرلیا گیا ہے جب کہ مہیش اور اشوک کو بھی ملزم نامزد کیا گیا ہے۔
ادھر مبینہ مرکزی ملزم سوم چند نے سوشل میڈیا پر ایک بیان میں تمام الزامات مسترد کرتے ہوئے گرفتاری دینے کا اعلان کر دیا ہے۔
سوم چند کا کہنا تھا کہ لڑکی (انیلا) بات چیت کیا کرتی تھی اور شاید میری شادی سے خوش نہیں تھی۔
واضح رہے کہ گزشتہ روز سوشل میڈیا پر بلیک میلنگ سے تنگ آکر لڑکی کے خودکشی کرنے کا واقعہ سامنے آیا تھا۔
متوفی لڑکی کے ورثاء کا کہنا تھا کہ ان کی بیٹی کی ایک تحریر سے بلیک میلنگ کا انکشاف ہوا، لڑکی کو ایک نوجوان اور اس کے ساتھی ایڈٹ شدہ تصاویر سے بلیک میل کر رہے تھے۔
سرکاری گاڑیوں کی خریداری: نیب کو نواز شریف سے تفتیش کی اجازت مل گئی
آصف زرداری کے خلاف جعلی اکاؤنٹس کیس کی سماعت 30 مئی تک ملتوی
