ممبئی (جیوڈیسک) این جی ٹی امیتابھ اور جیا بچن کی 1973 کی بلاک بسٹر فلم زنجیر کا ریمیک تیار ہے جس میں بالی ووڈ میں پریانکا چوپڑا اورٹولی ووڈ اداکار رام چرن کی نئی جوڑی متعارف کروائی جارہی ہے۔ زنجیر کے ریمیک کے ٹریلر کے بعد فلم کے لیے بالی ووڈ پگی چاپس پریانکا چوپڑا کے آئٹم سونگ پنکی کی وڈیو جاری کردی گئی ہے۔
شبیر احمد اوراشرف علی کے تحریر کردہ پنکی کے بولوں پر مبنی اس آئٹم سونگ کوممتا شرما اورمیت براس انجان کی آواز میں ریکارڈ کیا گیا ہے جسکی وڈیو میں پریانکا اپنے ڈانس کے جلوے بکھیرتی نظر آرہی ہیں۔ ہدایتکار اپوروا لاکھیا کی اس ایکشن فلم زنجیر میں سابق مس ورلڈ اور بالی ووڈ کی صف اول کی اداکارہ پریانکا چوپڑا اور رام چرن کیساتھ پرکاش راج ،سنجے دت،ماہی گل اور اتل کلکرنی اہم کردار کررہے ہیں۔
جبکہ اصل فلم کے ہیرو امیتابھ بچن بحیثیت مہمان اداکار جلوہ گر ہونگے۔ سنجیو لامبا،مہیش راماناتھن اور پونیت /سمیت پرکاش مہرا کی پروڈیوس کردہ اس فلم کا میوزک آنند راج آنند،میت بروس انجان اور چیرانتن بھٹ نے ترتیب دیا ہے۔75کروڑ بھارتی روپے کے بجٹ سے بننے والی یہ فل ریلائنس انٹرٹینمنٹ کے تحت 6 ستمبر کوبیک وقت ہندی، تامل، تیلگو اور ملیالم زبان میں سینما گھروں کی زینت بنے گی۔
ہالی وڈ کی سائنس فکشن فلم “اینڈرز گیم”کا آخری ٹریلر ریلیز
ہماری صوفیانہ موسیقی دنیا بھر میں مقبول ہے : عابدہ پروین
