کوئٹہ (جیوڈیسک) بلوچستان حکومت نے پچھلے کچھ دنوں میں صوبے کے مختلف حصوں میں پھینکی جانے والی مسخ لاشوں کی تحقیقات کا آغاز کر دیا۔ تحقیقات صوبائی جنوبی کمانڈ کے کمانڈر لیفٹیننٹ جنرل ناصر خان جنجوعہ کی جانب سے صوبائی حکومت کو ملنے والے ایک خط کے بعد شروع ہوئیں۔
جنرل جنجوعہ نے اپنے خط میں صوبائی حکومت سے اس معاملے کی تحقیقات کرنے کی درخواست کی تھی۔ بلوچستان کے ہوم سیکریٹری حسین درانی نے خط موصول ہونی تصدیق کرتے ہوئے بتایا کہ صوبائی حکومت نے متعلقہ حکام کو تحیقات کا حکم دیا ہے۔
صوبائی حکومت ماضی میں ایسے تمام واقعات کی تحقیقات کرتی آئی ہے۔ انہوں نے ایسے معاملات میں سیکورٹی اداروں کے ملوث ہونے کے الزامات کر رد کر دیا۔ یاد رہے کہ جنرل جنجوعہ نے اپنا یہ خط وزیر اعلیٰ ڈاکٹر عبدالمالک، چیف سیکریٹری، ہوم سیکریٹری اور انسپکٹر جنرل پولیس کو لکھا تھا۔
جنرل درانی نے ان واقعات میں سیکورٹی اداروں کے ملوث ہونے کی نفی کرتے ہوئے کہا کہ سیکورٹی اداروں کے خلاف الزامات بے بنیاد ہیں۔ ہوم سیکریٹری نے بتایا کہ متعلقہ محکموں کے پاس مختلف علاقوں سے ملنے والی لاشوں کے ریکارڈ موجود ہیں۔ درانی نے بتایا کہ جن لاشوں کی شناخت نہ ہو سکی انہیں عارضی طور پر دفنا دیا گیا ہے۔
تحریک انصاف سے کئی بار رابطہ کیا؛ خواجہ سعد رفیق
وزیراعلی فاٹا کے بجائے پنجاب میں مہنگائی کا نوٹس لیں :محمودالرشید
