کوئتہ (جیوڈیسک) بلوچستان سے سینیٹ کی دوجنرل نشستوں کے لئے بلوچستان اسمبلی میں پولنگ جاری ہے،سینیٹ کی ان دو نشستوں کے لئے تین امیدواروں میں مقابلہ ہے۔ بلوچستان سے سینیٹ کی دو جنرل نشستوں پر انتخابات کے لئے پولنگ نو بجے شروع ہوئی۔
صوبائی الیکشن کمشنر بلوچستان سید سلطان بایزید سینیٹ انتخابات کے لئے ریٹرننگ افسر کے فرائض سر انجام دے رہے ہیں، پشتونخواہ ملی عوامی پارٹی سے تعلق رکھنے والے رکن صوبائی اسمبلی نصراللہ زیرے نے سینیٹ انتخابات کے سلسلے میں پہلا ووٹ کاسٹ کیا جس کے بعد اراکان ووٹ کاسٹ کررہے ہیں۔
ریٹرننگ افسر کے مطابق اسمبلی کے58 اراکین سینیٹ انتخابات کے لئے اپنا ووٹ کاسٹ کریں گے، سینیٹ کی دو نشستوں کے لئے تین امیدواروں میں مقابلہ ہے ،امیدواروں میں ن لیگ کے سردار یعقوب خان ناصر، پشتونخواہ میپ کے عبدالروف اور جے یو آئی ف کے حاجی ولی محمد شامل ہیں۔
آئینی طور پر وزیراعظم کو اخراجات کا صواب دیدی اختیار نہیں : عدالت
لال مسجد آپریشن : ہارون رشید غازی کی اسلام آباد ہائی کورٹ کی درخواست
