کوئٹہ (جیوڈیسک) بلوچستان سے سینیٹ کی دو خالی نشستوں پر انتخاب کے لئے پولنگ کل( جمعرات) صوبائی اسمبلی میں ہوگی، ان نشستوں پر پانچ امیدواروں میں مقابلہ ہو گا۔ صوبائی الیکشن کمشنر بلوچستان سید سلطان بایزید نے جیو نیوز کو بتایا کہ سینیٹ کی دو خالی نشستوں پر پولنگ بلوچستان اسمبلی میں صبح نو بجے سے سہ پہر چار بجے تک ہوگی۔
جس کے لئے الیکشن کمیشن کی جانب سے تمام ضروری انتظامات کرلئے گئے ہیں، سینیٹ کی دو نشستوں پر پانچ امیدواروں میں مسلم لیگ ن کے سردار یعقوب خان ناصر، پشتونخواہ میپ کے عبدالرف اور جمعیت علمائے اسلام کے انجینئرفضل کریم، ولی محمد اورعمران شامل ہیں، توقع ہے کہ سینیٹ انتخابات کیلئے اسمبلی کے 61 ارکان اپنا ووٹ کاسٹ کریں گے، صوبے سے سینیٹ کی ایک نشست نوابزادہ لشکری رئیسانی کے مستعفی ہونے اور دوسری مولانا محمد خان شیرانی کے رکن قومی اسمبلی منتخب ہو جانے کے بعد خالی ہوئی تھی۔
نصیر آباد : ڈاکوں کی فائرنگ سیلیویز اہلکار جاں بحق، 2 ڈاکو بھی ہلاک
سستا حج کرانے والے ٹور آپریٹرز کو کوٹہ دیا جائے : لاہور ہائیکورٹ
