ڈھاکا (جیوڈیسک) بنگلا دیش کی حکومت نے پاکستان کے ایک سفارتکار کو ناپسندیدہ شخصیت قراردیتے ہوئے واپس بھجوا دیا ہے۔
بنگلا دیش کی حکومت نے ڈھاکا میں تعینات ایک پاکستانی سفارت کار محمد مظہر خان پر الزام لگایا ہے کہ وہ ان کے ملک میں انتہا پسندوں کو دہشت گردی کے لئے رقم کی فراہمی اور بنگلہ دیش میں جعلی کرنسی پھیلانے والے میں ملوث ہیں۔
اس کے علاوہ بنگلہ دیشی حکام نے مظہر خان پر آئی ایس آئی کا ایجنٹ ہونے کا بھی الزام لگایا ہے، حکام نے پاکستانی وزارتِ خارجہ سے کہا تھا کہ مظہر خان کو سرکاری طور پر ناپسندیدہ شخص قرار دے کر انہیں ملک سے بے دخل کئے جانے سے پہلے ہی پاکستان انہیں بلالے۔
ترجمان دفتر خارجہ تسنیم اسلم نے مظہر خان کے پاکستان واپسی کی تصدیق کرتے ہوئے کہا ہے کہ بنگلہ دیش کی جانب سے لگائے گئے الزامات بے بنیاد ہیں اور ان کا حقائق سے کوئی تعلق نہیں۔ بنگلا دیش کی جانب سے اٹھایا گیا یہ اقدام انتہائی افسوسناک ہے۔
یوکرائن : فوج اور باغیوں کے درمیان شدید لڑائی جاری، دس افرد ہلاک
تائیوان : حادثے کا شکار ہونے والے طیارے کا بلیک باکس مل گیا
