لاہور (جیوڈیسک) بنگلادیش نے 2012 میں پاکستان کا دورہ منسوخ کرنے پر پی سی بی کو زر تلافی کی مد میں ایک سے 3 لاکھ ڈالر دینے پر رضامندی ظاہر کر دی ہے۔
پی سی بی ذرائع کے مطابق 2012 میں پاکستان کا دورہ منسوخ کرنے پر بنگلا دیش کرکٹ بورڈ نے پاکستان کو زر تلافی کے طور پر ایک سے 3 لاکھ ڈالر دینے پر آمادگی ظاہر کر دی ہے۔
واضح رہے کہ بنگلا دیش نے دسمبر 2012 میں ایک ون ڈے اور ایک ٹی ٹوئنٹی میچ کے لئے پاکستان کا دورہ کرنا تھا تاہم سیکیورٹی خدشات کا بہانہ بنا کر بنگلا دیش کرکٹ بورڈ نے دورہ منسوخ کردیا تھا جس پر پاکستان کی جانب سے شدید احتجاج بھی کیا گیا تھا۔
زین علی کا پوسٹمارٹم مکمل، موت گردن میں گولی لگنے سے ہوئی : رپورٹ
علی ظفر نے پاکستانی فلم کی خاطر تین بھارتی فلمیں ٹھکرا دیں
