بنوں (جیوڈیسک) بنوں میں ای ڈی او تعلیم کے گھر کے باہر بارودی مواد کے دھماکے سے گھر کو جزوی نقصان پہنچ، ادھر لکی مروت میں کبیر کیمپ کے قریب ایف سی اہلکار کے گھر کے باہر بھی بم دھماکہ ہوا، دونوں واقعات میں کسی جانی نقصان کی اطلاع نہیں۔
پولیس کے مطابق بنوں میں ہوجڑی میں ای ڈی او تعلیم وحید اللہ کے گھر کے باہر بارودی مواد کا دھماکہ ہوا جس میں ان کے گھر کو جزوی نقصان پہنچا۔ ادھر لکی مروت میں بیگو خیل لنک روڈ پر کبیر کیمپ کے قریب ایف سی اہلکار سمیع اللہ کے گھر کے گیٹ پر نا معلوم دہشت گردوں نے رات گئے۔
بارودی مواد نصب کر رکھا تھا جو علی الصبح زور دار دھماکے سے پھٹ گیا، دھماکے میں کوئی جانی نقصان نہیں ہوا۔ دوسری طرف شہباز خیل کے قریب مشہ منصور روڈ پر پولیس نے مشتبہ موٹر سائیکل سے 5 کلو پریشر کوکر بم برآمد کر کے ناکارہ بنا دیا جبکہ 3 ہینڈ گرینیڈ بھی برآمد کر کے قبضے میں لے لئے۔
چودھری مبشر جعلی کرنسی بیرون ملک جانے کی کوشش پر گرفتار
بگٹی قتل کیس : مشرف کی درخواست ضمانت، وفاق اور صوبائی حکومت کو نوٹس
