مکہ المکرمہ (جیوڈیسک) امریکی صدر باراک اوباما کی دادی سارہ عمر اور چچا سعید اوباما نے عمرے کی سعادت حاصل کر لی۔
عرب میڈیا کی رپورٹس کے مطابق امریکی صدر باراک اوباما کی دادی سارہ عمر چند روز قبل اپنے بیٹے سعید اوباما اور پوتے موسیٰ اوباما کے ہمراہ عمرے کی ادائیگی کے لئے حجاز مقدس پہنچیں۔
میڈیا سے بات کرتے ہوئے ان کا کہنا تھا کہ قرآن پاک اور نبی کریم ﷺ کی سنت مبارکہ ہمیں برداشت اور صبر کا درس دیتی ہے، ان پر عمل ہی بنی نوع انسان کی راہ نجات ہے۔
سارہ عمر کا کہنا تھا کہ سعودی حکومت کی جانب سے مکۃ المکرمہ اور مدینہ منورہ میں حجاج کرام اور معتمرین کی سہولیات کے لئے کئے گئے انتظامات انتہائی اعلیٰ ہیں۔
ان کا کہنا تھا کہ انہوں نے نبی کریم ﷺ سے منسوب متبرکات کی زیارت کا بھی شرف حاصل کیا ، ان کی نظر میں موجودہ دور میں اسلام کی ترویج کا یہ سب سے احسن طریقہ ہے۔
انہوں نے امید کا اظہار بھی کیا کہ دیگر ممالک بھی سعودی حکومت کے تعاون سے اس قسم کی نمائش کا اہتمام کریں گے جس سے اسلام کے حوالے سے پائی جانے والی غلط فہمیوں کو دور کرنے میں آسانی ہوگی۔
این اے 246 میں ہار کے ڈر سے ایم کیو ایم ابھی سے بہانے بازی کر رہی ہے، عمران خان
یورپی پارلیمنٹ میں عالمی خواتین کانفرنس کا مقبوضہ کشمیر میں انسانی حقوق کی حمایت کا اعلان
