اسلام آباد(جیوڈیسک) بیلا روس کے صدر الیگزینڈر لوکا شینکو 2 روزی سرکاری دورے پر کل پاکستان پہنچیں گے۔
بیلا روس کے صدر الیگزینڈر لوکا شینکو صدر ممنون حسین کی دعوت پر دو روزہ سرکاری دورے پرکل اسلام آباد پہنچیں گے۔ دفتر خارجہ کے ترجمان کے مطابق بیلاروس کے صدر کا پاکستان کا پہلا دورہ ہے اس دوران زرعی مشینری، ٹریکٹر کے کارخانے، دودھ اور افزائش حیوانات کی صنعت کے شعبوں میں اہم معاہدوں اور مفاہمتی یادداشتوں پر دستخط کئے جائیں گے۔
ترجمان دفترخارجہ قاضی خلیل اللہ کا کہنا تھا کہ صدر الیگزینڈر لوکا شینکو کے دورے سے دونوں ممالک کے درمیان دوستانہ تعلقات مزید مضبوط ہوں گے جب کہ بیلاروس نے گزشتہ سال نومبر میں اسلام آباد میں اپنا مشن قائم کیا تھا۔
پنجاب کی گلو پولیس شہریوں کی محافظ نہیں قاتل بن چکی ہے، عمران خان
وزیراعلی پنجاب کا ڈسکہ واقعے کی جوڈیشل انکوائری کا حکم
