راولپنڈی (جیوڈیسک) انسداد دہشتگردی کی خصوصی عدالت نے بینظیر بھٹو قتل کیس میں ڈائریکٹر ایف آئی اے کو طلب سماعت 24 مئی تک ملتوی کر دی۔
راولپنڈی کی انسداد دہشتگردی کی خصوصی عدالت کے جج پرویز اسماعیل جوئیہ نے بے نظیر بھٹو قتل کیس کی سماعت اڈیالہ جیل میں کی۔ سماعت کے دوران ایف آئی اے کے پراسیکیوٹر چوہدری اظہر پیش نہ ہوئے۔
گزشتہ کئی سماعتوں کے دوران کیس کی کارروائی آ گے نہ بڑھنے پر ملزمان کے وکلاء نے احتجاج کرتے ہوئے عدالت سے استدعا کی کہ وکیل استغاثہ کو آئندہ سماعت پر حاضری کا پابند کیا جائے۔
انسداد دہشتگردی کے جج نے ایف آئی اے کے ڈائریکٹر کو طلب کرتے ہوئے سماعت چوبیس مئی تک ملتوی کر دی۔
واضح رہے کہ کیس میں ایف آئی اے کے وکیل استغاثہ جان کے خطرے کے پیش نظر گزشتہ کئی سماعتوں پر پیش نہیں ہوئے۔
کراچی : شادی کی تقریب میں مضر صحت کھانے سے 100 افراد کی حالت خراب ہو گئی
لوڈ شیڈنگ 2018 تک بھی مکمل ختم نہیں ہو گی کم ضرور ہو جائیگی وزیر بجلی
