روم (جیوڈیسک) اٹلی کی وزارت خارجہ نے سابق وزیراعظم سلویو برلسکونی کی جاسوسی کی خبر منظر عام پر آنے کے بعد امریکی سفیرکو طلب کر لیا۔
اٹلی کے اخبار لا ریپبلکا میں شائع رپورٹ کے مطابق امریکی ادارے نیشنل سیکورٹی ایجنسی نے سابق وزیراعظم برلسکونی اور ان کے عملے کی ٹیلیفون پر ہونے والی گفتگو ریکارڈ کی تھی۔
اخبار نے امریکا کے راز افشا کرنے والی ویب سائٹ وکی لیکس کے حوالے سے لکھا ہے کہ امریکی ادارے نے 2008 اور2011 کے درمیان سابق وزیراعظم کے فون ٹیپ کئے۔ یہ فون اس وقت ٹیپ کئے گئے جب اٹلی کی حکومت یورو زون کے قرضوں کے بحران میں الجھی ہوئی تھی۔
سابق امریکی وزیر خزانہ ٹموتھی گیتھنر نے اپنی کتاب میں لکھا ہے کہ یورپی یونین نے برلسکونی کو اقتدار سے ہٹانے کے لئے امریکا سے رابطہ کیا تھا۔
افغانستان میں سیکیورٹی فورسز سے جھڑپوں میں 32 جنگجو ہلاک
ایران میں پارلیمانی انتخابات جمعہ کو ہوں گے،سیکورٹی سخت
