تو جس کو چاہے وہی تیرا ہم سفر ٹھہرے خدا کرے کہ تیرا پیار معتبر ٹھہرے جو تیری چاہ میں دل کو میرے نصیب ہوا ہر ایک لمحہ اسی قرب کا امر ٹھہرے یہ تیرے لمس تیرے پیار کے حسیں لمحے جبینِ وقت پہ لکھ دوں جہاں نظر ٹھہرے تیرا وجود ہو دنیا میں راحتوں کا نشاں ہر ایک غم سے میری جاں تو بے خبر ٹھہرے تو مسکرائے تو پھولوں میں زندگی آئے اداس ہو تو گلستاں بھی چشم تر ٹھہرے یہ آرزو ہے کہ تو اس دیارِ پستی میں ہم ایسے لوگوں کی خاطر بلند سر ٹھہرے میں جب بھی تیرے حوالے سے کچھ کہوں ساحل تو میری بات میرے شعر کا اثر ٹھہرے
بے بسی
سندر لمحے
